ஜாவியா நிறைவு நாள் நிகழ்ச்சிக்காக உணவு தயார் செய்வதில் தீவிரம் ! நேரடி ரிப்போர்ட்

அதிரை ஜாவியாவில் கடந்த 14-09-2015 அன்று முதல் நடைபெற்று வரும் புகாரி ஷரீப் மஜ்லிஸ் நாளை 26-10-2015 திங்கட்கிழமையோடு நிறைவு பெறுகிறது. இந்தநிலையில் நாளை நடைபெற உள்ள நிறைவு நாள் நிகழ்ச்சியில் கலந்துகொள்ளும் அனைவருக்கும் உணவு தயாரிக்கும் பணி மும்முரமாக நடைபெற்ற வருகிறது. இதற்காக 7 ஆயிரம் உணவு பொட்டலங்கள் தயாரிக்க ஏற்பாடு செய்யப்பட்டு வருகிறது. இந்த பணிக்காக மேஸ்திரி முஹம்மது பாருக் தலைமையில் மொத்தம் 10 சமையல் பணியாளர்கள் ஈடுபட்டு வருகின்றனர்.

நாளை நிறைவு நாள் நிகழ்ச்சியில் கலந்துகொள்ளும் பெண்களுக்கு பிரத்தியோகமாக தனியிட வசதி ஏற்பாடு செய்யப்பட்டுள்ளது. இடவசதிக்காக பெண்கள் அனைவரும் ஜாவியா அருகே உள்ள காதிர் முகைதீன் பெண்கள் மேல்நிலைப்பள்ளியில் அமர வைக்கப்படுவார்கள் என கூறப்படுகிறது.

இதுகுறித்து சமையல் பணியில் தீவிரமாக ஈடுபட்டு வரும் மேஸ்திரி முஹம்மது பாருக் நம்மிடம் கூறியதாவது...
'நான்கு நபர்கள் போதுமான அளவில் உண்ணும் அளவில் மொத்தம் 7 ஆயிரம் உணவு பொட்டலங்கள் தயார் செய்யும் பணியில் ஈடுபட்டுள்ளோம். இதற்காக 1500 கிலோ அரிசி பயன்படுத்தப்பட இருக்கிறது. மொத்தம் 25 சட்டிகளில் உணவை தயாரிக்க உள்ளோம். இன்று மதியம் 3 மணி முதல் சமையல் பணியில் ஈடுபட்டு வருகிறோம். இரவு 10 மணிக்கு மேல் அடுப்பு பற்ற வைக்கும் பணி ஆரம்பமாகும். இந்த பணி தொடர்ந்து அதிகாலை 4 மணி வரை நீடிக்கும். உணவு தயாரானதுடன் பேக்கிங் செய்யும் பணிகள் தொடங்கும். இதற்காக ஜாவியா நிர்வாகத்தின் சார்பில் ஏராளமான தன்னார்வல இளைஞர்கள் ஈடுபட ஏற்பாடு செய்யப்பட்டுள்ளது' என்றார்.