அதிமுக தொடக்க தினம்: அதிரையில் உற்சாக கொண்டாட்டம் !

1972 ஆம் ஆண்டு மறைந்த முன்னாள் முதல்வர் எம்ஜிஆரால் தொடங்கப்பட்ட அதிமுகவின் 44-ஆம் ஆண்டு தொடக்க தினம் இன்று தமிழகமெங்கும் உற்சாகமாக கொண்டாடப்பட்டு வருகிறது.

இதையொட்டி அதிரை அதிமுக சார்பில் துவக்க தின விழா கொண்டாட்டப்பட்டது. நிகழ்ச்சிக்கு அதிமுக நகர செயலாளர் பிச்சை தலைமை வகித்தார். அவைத்தலைவர் முண்டாசு காதர், துணை செயலாளர் முஹம்மது தமீம், கவுன்சிலர் சிவக்குமார், செந்தில், துரை. பாஞ்சாலன், பூபாலன், அ.மு அப்துல் ஜப்பார், கவுன்சிலர் ஹாஜா முகைதீன், ஹாஜா பகுருதீன், அப்டா தமீம், அசோக், காமராஜ் ஆகியோர் முன்னிலை வகித்தனர்.

நிகழ்ச்சியில் லியாகத் அலி அதிமுக கொடியேற்றினார். எம்ஜிஆர், அண்ணா உருவ படங்களுக்கு வீரபத்திரன் மற்றும் கவுன்சிலர் உதயக்குமார் ஆகியோர் மாலை அணிவித்து மரியாதை செலுத்தினர். விழா முடிவில் நிகழ்ச்சியில் கலந்துகொண்ட அனைவருக்கும் இனிப்பு வழங்கப்பட்டன.

முன்னதாக அதிமுகவினர் அதிரை பேரூந்து நிலையப் பகுதிகளில் பேரணியாக சென்றனர். இந்த நிகழ்ச்சியில் அதிரை நகர அதிமுகவினர் பலர் கலந்துகொண்டனர்.