அதிரையில் நாம் மனிதர் கட்சியின் அறிமுக பொதுக்கூட்டம் !

அதிரையில் நாம் மனிதர் கட்சியின் அறிமுக பொதுக்கூட்டம் நடைபெற்றது. கூட்டத்திற்கு நாம் தமிழர் கட்சி சரபுதீன் தலைமை வகித்தார். இதில் சிறப்பு விருந்தினர்களாக தமிழக மக்கள் விடுதலை இயக்கத் தலைவர் தங்க. குமரவேல், நாம் மனிதர் கட்சியின் மாநில ஒருங்கிணைப்பாளர் பிலால் ஆகியோர் கலந்துகொண்டு சிறப்புரை நிகழ்த்தினார்கள்.

இதையடுத்து பேச வந்த நாம் மனிதர் கட்சியின் மாநில தலைவர் தவ்பீக் கட்சி குறித்து அறிமுக உரை நிகழ்த்தினார். இதில் ஓரிறை கொள்கை குறித்து குர்ஆன் வசனங்கள் ஒவ்வொன்றையும் தமிழ் விளக்கத்தோடு இனிய குரலில் பேசியது பார்வையாளர்களை பெரிதும் கவர்ந்தது.

முன்னதாக நாம் மனிதர் கட்சியின் அதிரை நகர தலைவர் முபீஸ் வரவேற்புரை ஆற்றினார். கூட்ட முடிவில் மதுக்கூர் சாகுல் ஹமீது நன்றி கூறினார். அறிமுக பொதுக்கூட்டத்தில் பெண்கள் உட்பட ஏராளமானோர் கலந்துகொண்டனர். பெண்களுக்கு தனியிட வசதி ஏற்பாடு செய்யப்பட்டு இருந்தது.