அதிரை மீன் மார்க்கெட்டில் அதிசய மீன் !

அதிரையை உள்ளடக்கிய தரகர் தெரு, ஆறுமுக கிட்டங்கி தெரு, காந்தி நகர், கரையூர் தெரு, ஏரிப்புறக்கரை மறவக்காடு, கீழத்தோட்டம் ஆகிய பகுதிகளில் மீன்பிடி துறைமுகங்கள் உள்ளன. இங்குள்ள மீனவர்கள் படகுகளில் கடலுக்குச் சென்று மீன்பிடித்து வருகின்றனர். அதே போல் அதிரை அடுத்துள்ள மல்லிபட்டினம், சேதுபாவாசத்திரம் உள்ளிட்ட கடல் பகுதிகளிலும் மீன்கள் அதிகளவில் பிடிக்கப்படும்.

இந்த மீன்கள் அதிரையின் பிரதான மார்க்கெட்டாக கருதப்படும் கடைத்தெரு பெரிய மீன் மார்க்கெட்டுக்கு பிரத்தியோகமாக கொண்டுவரப்பட்டு விற்பனை செய்யப்படுகிறது. இந்த நிலையில் அதிரை கடல் பகுதியின் மீனவர் வலையில் சிக்கிய வித்தியாசமான முகம் கொண்ட அபூர்வ வகை மீன் ஒன்று விற்பனைக்கு வந்தது. 5 கிலோ எடை கொண்ட அபூர்வ மீனை பலர் வியப்புடன் கண்டு களித்தனர்.

இது குறித்து மீன் வியாபாரி மொய்தீன் நம்மிடம் கூறுகையில்...
'வித்தியாச முகம் கொண்ட இந்த அபூர்வ வகை மீன் ஆள் கடல் பகுதியில் வசிக்க கூடியது. கோழி மீன் என்ற பெயரில் மீனவர்கள் இவற்றை அழைப்பதுண்டு. மார்க்கெட்டில் விற்பனைக்கு வந்த இந்த மீனை பெரும்பாலானோர் அதியமாக பார்வையிட்டனர்' என்றார்.