தஞ்சையில் வேலை வாய்ப்பு முகாம் அறிவிப்பு !

தஞ்சை மாவட்ட வேலை வாய்ப்பு அலுவலகத்தில் தனியார் துறை வேலை வாய்ப்பு மையம் செயல்பட்டு வருகிறது. இந்த மையமும், இந்திய தொழிலாளர் கூட்டமைப்பும் இணைந்து வருகிற 13–ந்தேதி [ சனிக்கிழமை ] காலை 10 மணிக்கு தனியார் துறை வேலை வாய்ப்பு முகாமிற்கு மாவட்ட வேலை வாய்ப்பு அலுவலகத்தில் ஏற்பாடு செய்து உள்ளது. முகாமில் தமிழகத்தின் 10–க்கும் மேற்பட்ட முன்னணி நிறுவனங்கள் கலந்து கொண்டு தங்களுக்கு தேவையான பணியாளர்களை தேர்வு செய்ய உள்ளனர்.

எனவே எஸ்.எஸ்.எல்.சி. தேர்ச்சி மற்றும் தோல்வி அடைந்தவர்கள் எச்.எஸ்.சி, ஐ.டி.ஐ., டிப்ளமோ, பட்டதாரிகள் மற்றும் ஓட்டுனர்கள் இந்த முகாமில் கலந்து கொண்டு பயன்பெறுமாறு கேட்டுக்கொள்கிறேன். தேர்வு செய்யப்படும் மனுதாரர்களின் பதிவு விவரங்கள் மாவட்ட வேலை வாய்ப்பு அலுவலகத்தில் தொடர்ந்து பராமரிக்கப்படும். இவர்களின் தகுதிக்கு ஏற்ப அரசு பணி வாய்ப்புகளுக்கும் பரிந்துரை செய்யப்படும். முதுகலை பட்டதாரி ஆசிரியர்கள், பி.இ. மற்றும் உயர்கல்வி தகுதி கொண்ட பதிவுதாரர்கள் இந்த முகாமில் கலந்து கொள்ள வேண்டாம் என கேட்டுக்கொள்ளப்படுகிறது.


நன்றி : தினத்தந்தி