அல் அமீன் ஜாமிஆ பள்ளி தீர்ப்பு : அகமது அன்சாரி அவர்களின் அன்பான வேண்டுகோள் [ காணொளி ] !

அதிரை பேருந்து நிலையம் அருகே உள்ள அல் அமீன் ஜாமிஆ பள்ளியின் நிலம் தொடர்பாக பள்ளியை நிர்வகித்து வரும் ஹிமாயத்துல் இஸ்லாம் சங்கத்திற்கும், அதிரை பேரூராட்சி நிர்வாகித்தினருக்கும் வாதி பிரதிவாதியாக வழக்குகள் போடப்பட்டு நீதிமன்றத்தில் கடந்த சில வருடங்களாக நடைபெற்று வந்தன.

இவற்றில் மற்ற வழக்குகள் நிலுவையில் இருந்தாலும் முக்கியமாக கருதப்படுகிற ‘இந்த இடம் யாருக்கு சொந்தம் ? ‘ என்ற வழக்கில் நேற்று முன்தினம் சென்னை உயர்நீதி மன்றம் தனது தீர்ப்பை அளித்தது. அதில் இந்த இடம் ஹிமாயத்துல் இஸ்லாம் சங்கத்திற்கு சொந்தம் என்றும், அதில் பள்ளிவாசல் கட்டுவதற்குரிய முயற்சியில் சங்கத்தினர் ஈடுபடலாம் என்று கூறியிருப்பதாக தகவல் வெளியிடப்பட்டது.

இதைத் தொடர்ந்து நீதிமன்றத்தின் தீர்ப்பு குறித்து கருத்தை பெறுவதற்காக ஹிமாயத்துல் இஸ்லாம் சங்கத்தின் துணைத்தலைவர் SKM.  அகமது அன்சாரி அவர்களை அணுகி அவர்களின் கருத்தைப் பெற்றோம்.