தாமதமில்லா சம்பளம் வழங்கக்கோரி அதிரை பேரூராட்சியின் துப்புரவு தொழிலாளர்கள் வேலை நிறுத்தம் [ காணொளி ] !

அதிரையில் அன்றாடம் சேருகின்ற குப்பைக் கழிவுகளை அகற்றும் விதமாக கடந்த எட்டு வருடங்களுக்கும் மேலாக ஒப்பந்தம் அடிப்படையில் பணி புரிந்து வருகின்ற துப்புரவு தொழிலாளர்கள் தாமதமில்லா சம்பளம் வழங்கக்கோரி இன்று [ 13-04-2013 ] காலை அதிரை பேரூராட்சியின் முன்பாக அமர்ந்து வேலை நிறுத்தத்தை மேற்கொண்டனர். இந்த வேலை நிறுத்தத்தால் அதிரையில் ஆங்காங்கே குமிந்து கிடக்கும் குப்பைக் கூளங்கள் தேங்கும் அபாயம் ஏற்பட்டுள்ளது.

இதுகுறித்து அதிரை பேரூராட்சியின் செயல் அலுவலரை தொடர்பு கொண்டு விளக்கம் பெற்ற வகையில்...

தனி நபரின் பெயரில் காசோலை வழக்கப்படுவதில்லை என்றும், குழுவின் பெயரிலேயே காசோலை வழங்கப்பட்டு வருகின்றன. இதனால் சில நாட்கள் தாமதமாகின்றன. இனி தாமதமில்லாமல் சம்பளம் வழங்குவதற்குரிய முயற்சிகள் மேற்கொள்ளப்படும் என உறுதியளித்தார்.