SDPI - தஞ்சை தெற்கு மாவட்டத் தலைவர் இலியாஸ் தாக்கப்பட்டதை கண்டித்து பட்டுக்கோட்டையில் ஆர்ப்பாட்டம் !

நேற்று  [ 01-04-2013 ] இரவு கடலோர கிராமமான புதுப்பட்டினதில் உள்ள பள்ளிவாசல் அருகே இரு பிரிவினர் இடையே மோதல் ஏற்பட்டது. இதைத்தொடர்ந்து அந்தப்பகுதியில் பாதுகாப்பு பணிகளில்  போலீசார் ஈடுபட்டு வந்தனர். அப்போது  மல்லிபட்டினத்தில் வசிக்கும் SDPI - யின் தஞ்சை தெற்கு மாவட்டச் பொதுச்செயலாளர் நூருல் இஸ்லாம் அவர்களை சந்திப்பதற்காக  அந்த வழியே சென்ற தஞ்சை தெற்கு மாவட்டத் தலைவர் இலியாஸ் அவர்களை தாக்கியதாகக் கூறப்படுகிறது. காயமடைந்த இலியாஸ் தஞ்சை அரசு மருத்துவமனையில் அனுமதிக்கப்பட்டு சிகிச்சை பெற்று வருகிறார்.

இன்று [ 02-04-2013 ] மாலை  4.30 மணியளவில் SDPI - தஞ்சை தெற்கு பிரிவின் சார்பாக பட்டுகோட்டை தபால் நிலையம் அருகே கண்டன ஆர்ப்பாட்டம் நடைபெற்றது. இந்த ஆர்ப்பாட்டத்தில் கலந்துகொண்ட பெரும்பாலானோர் கைது செய்யப்பட்டு மண்டபத்தில் தங்க வைக்கப்பட்டு சிறிது நேரத்துக்குப்பின் விடுவிக்கப்பட்டனர். அந்தப்பகுதியில் ஏராளமான போலீசார் பாதுகாப்புப் பணிகளில் ஈட்பட்டிருந்தனர்.

முன்னதாக தஞ்சை மாவட்ட போலீஸ் சூப்ரென்டு அன்பு அவர்கள் மண்டபத்தில் தங்கவைக்கப்பட்டு இருந்த SDPI கட்சியினரின் கோரிக்கையை பெற்றுக்கொண்டு தாக்கியோர் மீது நடவடிக்கை எடுக்கப்படும் என உறுதியளித்துள்ளதாக கூறப்படுகிறது.