'அதிரை நியூஸ்’ வெளியிட்ட செய்தி எதிரொலி - சேதமடைந்த வாய்க்கால் தெரு சாலை சரிசெய்யப்பட்டது !

அதிரை பேரூராட்சியின் சார்பாக 13-வது வார்டுக்கு உட்பட்ட வாய்க்கால் தெருவின் முக்கிய பகுதிகளில் புதிய தார்சாலை  அமைக்கும் பணிகள் மும்முரமாக நடைபெற்று வந்ததையும், அப்பகுதியில் வசிக்கும் பொதுமக்கள் சிலர் தார்சாலையின் தரம் குறித்து ஆதங்கப்பட்டு கருத்து தெரிவித்ததையும் குறிப்பிட்டு கடந்த [ 08-04-2013 ] அன்று தளத்தில் செய்தியாக வெளியிட்டிருந்தோம். 

அதோடு மட்டுமல்லாமல் சம்பந்தப்பட்டோரை தொடர்பு கொண்டு அவர்களின் கருத்தையும் பெற்று வெளியிட்டிருந்தோம். அதன் தொடர்ச்சியாக இன்று மாலை சேதமடைந்த வாய்க்கால் தெருவின் சாலைப் பகுதிகள் சரிசெய்யப்பட்டது.

பணியின் போது 13-வது வார்டு உறுப்பினர் அப்துல் காதர், காண்ட்ராக்டர் சுல்தான் மற்றும் 'சமூக ஆர்வலர்' KMA. ஜமால் முஹம்மது ஆகியோர் உடனிருந்தனர்.

உறுதியளித்தபடி பணிகளை விரைவாக செயல்படுத்திய 13-வது வார்டு உறுப்பினர் அப்துல் காதர் மற்றும் காண்ட்ராக்டர் சுல்தான் ஆகியோருக்கு அதிரை நியூஸ் சார்பாக நன்றியை அன்புடன் தெரிவித்துக்கொள்கின்றோம்.