செட்டியா குளம் ஆக்கிரமிப்பு அகற்றுதல் தொடர்பாக அலுவலர்கள் நேரில் ஆய்வு !

அதிரை பேரூராட்சியின் சார்பாக 2012-2013 ஆம் ஆண்டுக்கான நபார்டு நிதி உதவி திட்டத்தின் கீழ் நடுத்தெருவில் உள்ள செட்டியா குளம் – தடுப்பு சுவர் அமைத்தல் மற்றும் மேம்படுத்துதல் ஆகிய பணிகளுக்காக ரூபாய் 50 லட்சம் நிதி ஒதிக்கீடு செய்யப்பட்டு, இந்த பணிகளுக்கான ஒப்பந்தமும் இறுதி செய்யப்பட்டுள்ளன.

இந்த பணிகளை மேற்கொண்டு தொடர்வது தொடர்பாக இன்று மாலை 4.30 மணியளவில் தஞ்சை மாவட்ட ஆட்சியர் அலுவலகத்திலிருந்து உதவி செயற்பொறியாளர்கள் வருகை தந்து பார்வையிட்டனர். அப்போது அப்பகுதியைச் சுற்றி ஆக்கிரமணம் செய்து இருப்பது உறுதி செய்யப்பட்டுள்ளது. இதைத் தொடர்ந்து வருகின்ற வாரங்களில் சம்பந்தப்பட்ட பகுதிகளை நில அளவீடு செய்வதற்கு உத்தேசிக்கப்பட்டுள்ளது. நிலஅளவீடு செய்யப்பட்டவுடன் மற்ற பணிகள் அனைத்தும் மும்முரமாக செயல்படுத்தப்பட்டு விரைவாக முடிக்கப்படும் என எதிர்ப்பார்க்கப்படுகின்றன.

ஆய்வுகள் மேற்கொள்ளும் போது காண்ட்ராக்டர் சுல்தான் மற்றும் மணிச்சுடர் நிருபர் சாகுல் ஹமீத் ஆகியோர் உடனிருந்தனர்.