AFFA நடத்தும் மாபெரும் எழுவர் கால்பந்து தொடர் போட்டியின் முதல் நாள் நிகழ்ச்சி !

அதிரை ப்ரெண்ட்ஸ் ஃபுட் பால் அசோசியேஷன் [ AFFA ] நடத்தும் ஆம் ஆண்டு மாபெரும் எழுவர் கால் பந்து தொடர் போட்டியின் முதல் ஆட்டம் இன்று [ 10-05-0213 ] மாலை 5 மணியளவில் ஷிஃபா மருத்துவமனை எதிரே அமைந்துள்ள மைதானத்தில் சிறப்பாக துவங்கியது.

அதிரை காவல்துறை ஆய்வாளர் ரவிச்சந்திரன், காதிர் முகைதீன் கல்லூரியின் முதல்வர் முனைவர் A. ஜலால், காதிர் முகைதீன் ஆண்கள் மேல் நிலைப்பள்ளியின் தலைமை ஆசிரியர் மஹபூப் அலி, காதிர் முகைதீன் ஆண்கள் மேல் நிலைப்பள்ளியின் முன்னாள் உடற்கல்வி ஆசிரியர் ராமச்சந்திரன், கால்பந்தாட்டக் கழக தஞ்சை மாவட்டத் தலைவர் கோபாலக்கிருஷ்ணன் ஆகியோர் இன்றைய முதல் ஆட்டத்தை துவக்கி வைத்தனர்.

இன்று நடைபெற்ற முதல் ஆட்டத்தில் தஞ்சாவூர் அணியினரோடு கண்டனூர் அணியினர் மோதினர். இதில் தஞ்சை அணியினர் 1 கோல் அடித்து 1-0 என்ற கணக்கில் வெற்றிப்பெற்றனர். இன்றைய முதல் ஆட்டத்தைக் காண ஏராளமான விளையாட்டுப் பிரியர்கள் மற்றும் பொதுமக்கள் திரளாக வருகை தந்து ரசித்தனர்.

நாளை நடைபெற உள்ள ஆட்டத்தில் பொதக்குடி அணியினரோடு மேலநத்தம் அணியினர் மோத உள்ளனர்.

நன்றி : ஆஷிக் அஹமது / அஹமது மொய்தீன் / இத்ரீஸ்