தண்ணீரில் மிதந்து உலக சாதனை படைத்த மர்ஹூம் அதிரை முஹம்மது அபூபக்கர் !

தண்ணீரில் பல மணி நேரங்கள் மிதந்து உலக சாதனையாளர் பட்டியலில் இடம்பெற்றுள்ள அதிரை ஆலடித் தெருவைச் சார்ந்த 'புளியங்கொட்டை' என அன்புடன் அனைவராலும் அழைக்கப்பட்ட மர்ஹூம் முஹம்மது அபூபக்கர் ஆவார்.

மராட்டிய மாநிலத்தில் அன்றைய காலகட்டத்தில் மாநில கவர்னராக பணியாற்றிய சி. சுப்பிரமணியம் அவர்களின் முன்னிலையில் மும்பையிலும், தமிழகத்தில் மாநில கவர்னராக பணியாற்றிய பாத்திமா பீவி அவர்களின் முன்னிலையில் மல்லிபட்டினத்திலும் தண்ணீரில் பல மணி நேரங்கள் மிதந்து காட்டி சாதனை நிகழ்த்தியுள்ளார். மேலும் பல மாநிலங்களுக்கும், பல வெளிநாடுகளுக்கும் சென்று சாதனை நிகழ்த்தியுள்ள இவர் தன் பிறந்த மண்ணில் உள்ள செக்கடி குளத்தில் மணிக்கணக்கில் மிதந்து காட்டி பல முறை சாதனை நிகழ்த்தியுள்ளார் என்பது குறிப்பிடதக்கது.

தனது முதிய வயதிலும் சாதனைகள் பல புரிந்து  அதிரைக்கு பெருமை சேர்த்துத் தந்த மர்ஹூம் முஹம்மது அபூபக்கர் அவர்களை என்றென்றும் நினைவில் கொள்வோம்.

உலக சாதனை படைத்த மர்ஹூம் அதிரை முஹம்மது அபூபக்கர் அவர்களின் வரிசையில் அவரது மகன் மொய்தீன் அப்துல் காதர் அவர்களும் அமைதியாக இருந்து அனைவரையும் வியக்கவைக்கும் அளவிற்கு ஒரு சாதனை படைத்து வருகிறார் !? அது என்ன சாதனை !?

இறைவன் நாடினால் பதிவில் விரைவில்...