சாதனை மனிதர் அதிரை மொய்தீன் அப்துல் காதர் அவர்களோடு ஒரு நேர்காணல் [ காணொளி ] !

தண்ணீரில் பல மணி நேரங்கள் மிதந்து உலக சாதனையாளர் பட்டியலில் இடம்பெற்றுள்ள அதிரை ஆலடித் தெருவைச் சார்ந்த 'புளியங்கொட்டை அப்பா' என அன்புடன் அனைவராலும் அழைக்கப்பட்ட மர்ஹூம் முஹம்மது அபூபக்கர் அவர்கள் தனது முதிய வயதிலும் சாதனைகள் பல புரிந்து  அதிரைக்கு பெருமை சேர்த்துத் தந்தவர். [ இது குறித்து விரிவாக கடந்த [ 15-05-2013 ] அன்று தளத்தில் சாதனை செய்தியாக வெளியிட்டிருந்தோம் ]

உலக சாதனை படைத்த மர்ஹூம் அதிரை முஹம்மது அபூபக்கர் அவர்களின் வரிசையில் அவரது மகன் மொய்தீன் அப்துல் காதர் அவர்களும் அமைதியாக இருந்து அனைவரையும் வியக்கவைக்கும் அளவிற்கு ஒரு சாதனை படைத்து வருகிறார். கடந்த பத்து வருடங்களாக சாதனை நிகழ்த்த வேண்டும் என்ற குறிக்கோளுடன் தனது கையில் மாட்டியுள்ள கைக்கடிகாரத்தை கையிலிருந்து கலாட்டாமல் இருக்கிறார்.

இரண்டு மூன்று வருடங்களுக்கு ஒரு முறையேனும் கடிகாரத்தில் இருக்கிற பேட்டரியை மாற்றம் செய்ய வேண்டும் என்ற கட்டாயம் ஒரு பக்கம் இருந்தாலும், அதெப்படி கடிகாரத்தில் பேட்டரி கூட  கழட்டாமல் கையிலேயே மாட்டிருக்கிறார் !? என்று நமக்கு வியப்பாக இருந்தாலும் அவர் கூறியவற்றை நேரடியாக நாம் காணும் போது அவர் கூறுவது அனைத்தும் உண்மைதான் என அறிய முடிந்தது.

சாதனை செய்ய துடிக்கும் இந்த அதிசய மனிதர் அதிரை மொய்தீன் அப்துல் காதர் அவர்களுக்கு 'அதிரை நியூஸ்' சார்பாக பாராட்டுதலை அன்புடன் தெரிவித்துக்கொண்டு அவரிடம் ஒரு நேர்காணலையும் பெற்றோம்.