அதிரை சி.எம்.பி லைனில் அமைந்துள்ள டிரான்ஸ்பார்மர் ‘டமார்’ என்ற சத்தத்துடன் தீ பிடித்து எரிந்தது [ காணொளி ]!

அதிரை சி.எம்.பி லைனில் அமைந்துள்ள குடியிருப்புகள் பகுதிகளுக்கும், கல்வி நிறுவனம், வழிபாட்டுத்தலங்கள், விவசாய நிலங்கள் ஆகியவற்றிற்கு VKM ஸ்டோர் எதிரே இருக்கின்ற டிரான்ஸ்பார்மர் மூலம் மின் விநியோகம் செய்யப்பட்டு வந்தன.

கூடுதல் இணைப்பின் காரணமாக இந்த டிரான்ஸ்பார்மரில் அடிக்கடி பழுதடைந்தது விடும். மின்சார ஊழியர்கள் டிரான்ஸ்பார்மரில் ஏற்பட்ட பழுதை சரி செய்த சில மணி நேரங்களிலேயே மீண்டும் பழுதடைந்தது விடுகிறது. இதனால் இந்தப்பகுதியில் வாழும் பொதுமக்கள் வர்த்தகர்கள், மாணவ மாணவிகள் மிகவும் பாதிப்புக்குள்ளாகி வந்தனர்.

இன்று [ 11-05-2013 ] பகல் 2.30 மணியளவில்‘டமார்’ என்ற சத்தத்துடன் டிரான்ஸ்பார்மரில் தீ பிடித்து மளமளவென பற்றி எரிந்தது. இதனால் இந்தபகுதியில் வசிக்கும் பொதுமக்கள் பெரும் அச்சத்துடன் காணப்பட்டனர்.

துரித நடவடிக்கையாக உடன் களத்தில் இறங்கிய அப்பகுதி இளைஞர்கள் தீயை அணைக்கும் முயற்சியில் இறங்கினர். மேலும் அதிரை மின்சார வாரியத்திற்கும் தகவல் தெரியப்படுத்தினர். இதனால் இப்பகுதி முழுவதும் பரபரப்பாகக் காணப்பட்டன.

நன்றி : 
ஆஷிக் அஹமது, 
அஹமது மொய்தீன், 
KMA ஜமால் முஹம்மது