அமீரகம் வாழ் அதிரையர்களின் பெருநாள் சுற்றுலா !

வெளிநாடு வாழ் அதிரையர்களுக்கு மட்டுமல்ல அனைவருக்கும் பெருநாள் தினங்களில் ஒன்று உறக்கம் மற்றொன்று உறவினர்களின் உரையாடல் என்றே அத்தினம் சென்றுவிடுகிறது அடுத்த நாளில் அனைத்தையும் தூக்கி எறிந்துவிட்டு சிட்டுப்போன்று நண்பகளை அழைத்துக்கொண்டு விரைவர் சுற்றுலா என்னும் தளத்திற்க்கு ஆம் அதுவொன்றே அவர்களின் மகிழ்ச்சிக்கடல்.

அடுத்த தினம் டூட்டிற்க்கு செல்ல ஆயத்தமாவர் இதுதான் அவர்களின் ஏதார்த்த நிலை இப்படிதான் காலம் வளைகுடாவில் அவனின் ஆசா பாசம் வலையில் சிக்கிய மீன்போல துடிக்கின்றனர். இது வெறும் வலயல்ல, சிலந்தி வலை. சிலந்திக்கு அதுதான் பலம் மற்றும் பலவீனம். ஊரில் இருப்பவர்கள், நம்மை பலமாக எண்ணுகின்றனர். அவர்கள் நலமாக இருப்பதற்காக வேண்டி நாம் இங்கு பலவீனமாகப் போய்க்கொண்டு இருக்கிறோம்.

வளைகுடா நாட்டில் இருக்கும் போது நாம் பல நண்பர்களுடன் சேர்ந்து அரட்டை அடித்துக்கொண்டு இருந்தாலும் நம்முடைய நினைவோ ஊரில் உள்ள கட்டிய மனைவி, நோய்வாய்ப்பட்ட தாய்-தந்தை, திருமணத்திற்குத் தயாராகிக்கொண்டு இருக்கும் அக்கா-தங்கைகள் ஆகியோருக்காக நாம் என்னென்ன செய்ய வேண்டும் என்ற நினைப்புடன்தான் இருப்போம். நம்முடைய உடல் இங்கு இருக்கும்; ஆனால் உள்ளமோ விமானப் பயணச்சீட்டு இல்லாமலே அடிக்கடி தாயகம் போய் வரும்.

- அதிரை தென்றல் (Irfan)