போலிகளை வாங்கி ஏமாறாதீர்கள் - கலெக்டர் எச்சரிக்கை!

போலி உரங்களை வாங்கி ஏமாற வேண்டாம் என்று தஞ்சை மாவட்ட ஆட்சியர் டாக்டர் என்.சுப்பையன் ஐ.ஏ.எஸ் தெரிவித்துள்ளார்.

இதுகுறித்து அவர் தெரிவித்திருப்பதாவது:

"தஞ்சாவூர் மாவட்டத்தில் பல்வேறு பகுதிகளில் தென்னை மரங்கள் அதிகமாக காய்ப்பதற்கு என்று பொய்யான தகவல்களைக் கூறி போலி நுணணூட்ட உரங்கள் மற்றும்  மைக்ரோ ஆர்கானிக் போன்ற உரங்கள் கார் மூலம் நேரடியாக விற்பனை செய்து விவசாயிகளை ஏமாற்றி வருகின்றார்கள்.

இது போன்ற உரங்கள் வேளாண் துறையினரால் எந்த விவசாயிகளுக்கும் நேரடியாக விநியோகம் செய்வது நடைமுறையில் இல்லை. வேளாண் துறையினரால் உரிமம் பெற்றவர்கள் நுண்ணூட்டக் கலவை உர உற்பத்தியாளர்கள் தனியார் உரம் மற்றும் ப+ச்சி மருந்து கடைகள் வழியாகவே விற்பனை செய்கிறார்கள். வேளாண் துறையினரால் அங்க Pகரிக்கப்பட்ட நுண்ணூட்டக் கலவை ஜிப்சம், திரவ உயிர் உரங்கள் மற்றும் உயிர் உர பொட்டலங்கள் வட்டார வேளாண் உதவி இயக்குநர் கட்டுப்பாட்டில் உள்ள வேளாண் விரிவாக்க மையத்தில் மட்டுமே விற்பனை செய்யப்பட்டு வருகிறது.

விவசாயிகள் நடமாடும் வாகனத்தில் விற்பனை செய்கின்ற எந்த ஒரு நுண்ணூட்ட கலவை மற்றும் உயிர் உரங்களை வாங்கி உபயோகப்படுத்த வேண்டாம் என்றும் சந்கேத்திற்குரிய இது போன்ற விற்பனையாளர்களை பற்றிய விவரங்கள் தெரிவித்தால், உடனடியாக அருகில் உள்ள வட்டார வேளாண் உதவி இயக்குநர்களிடம் தெரிவிக்க கேட்டுக் கொள்கிறேன்.

அம்மாபேட்டை வட்டாரம் களஞ்சேரி பகுதியில் போலி அடையாள அட்டை தயாரித்து போலி தென்னை மர நுண்ணூட்ட மருந்தினை விற்பனை செய்த திரு.துரைமுருகன், திரு.ராஜீ ஆகிய இருவரும் அம்மாப்பேட்டை காவல் துறையினரால் கைது செய்யப்பட்டுள்ளனர். விவசாயிகள் ஏமாற்றி போலி உரங்களை விற்பனை செய்தவர்கள் ம Pது காவல் துறை மூலம் உரிய நடடிவக்கை எடுக்கப்பட்டு வருகிறது. எனவே விவசாயிகள் அனைவரும் தனி நபர்கள் மூலம் உரிமம் பெறாத போலி உரங்களை வாங்கி ஏமாற வேண்டாம்.

வேளாண்மைத் துறையினரால் உரிமம் பெறாத போலி உரங்களை தயாரித்து விற்பனை செய்பவர்கள் மீது சட்ட ரீதியான நடவடிக்கை மேற்கொள்ளப்படும்.

இவ்வாறு மாவட்ட ஆட்சித் தலைவர் டாக்டர் என்.சுப்பையன், ஐ.ஏ.எஸ், அவர்கள் எச்சரித்துள்ளார்.