அதிரையில் தொடர் மழையால் கடை இடிந்து விழுந்தது !

அதிரையில் கடந்த சில நாள்களாக தொடர்ந்து மழை பெய்து வருகிறது. இந்நிலையில் கடைத்தெருவின் பிரதான சாலையில் அமைந்துள்ள தக்வா பள்ளி நிர்வாக பராமரிப்பில் இருந்து வரும் 'ரஹீம் வாட்ச்' கடையின் மேற்கூரை இடிந்து விழுந்தது. மேற்கூரை இரவு நேரத்தில் இடிந்து விழுந்ததால் உயிர் சேதம் தவிர்க்கப்பட்டுள்ளது.

இதே பகுதியில் பல ஆண்டுகளுக்கு முன்பு கட்டப்பட்ட ஏராளமான வர்த்தக கடைகள் உள்ளன. இதில் பெரும்பாலான கடைகள் போதிய பராமரிப்பின்றி மிகவும் பழுதடைந்து காணப்படுகின்றன. தற்போது அதிரையில் பெய்து வரும் தொடர் மழையால் இதே பகுதியில் அமைந்துள்ள பிற கடைகளின் வர்த்தகர்களுக்கு பெரும் அதிர்ச்சியும், அச்சமும் ஏற்பட்டுள்ளது.