புற்றுநோயால் பாதிக்கப்பட்ட சிறுவன் சிகிச்சை பலனின்றி உயிரிழப்பு !

இராமநாதபுரம் மாவட்டம் பனைக்குளத்தை சேர்ந்தவர் முஹம்மது கனி. இவரது மகன் முஹம்மது மனாஸ் ( வயது 8 ). புற்றுநோயால் பாதிப்படைந்து மருத்துவமனையில் அனுமதிக்கப்பட்டு சிகிச்சை பெற்று வந்தார். இந்த நிலையில் சிகிச்சை பலனின்றி இன்று இரவு வஃபாத்தாகி விட்டார்.

இன்னா லில்லாஹி வ இன்னா இலைஹி ராஜிவூன்.

அன்னாரின் ஜனாஸா நாளை காலை 10 மணிக்கு பனைக்குளம் பெரிய பள்ளி மையவாடியில் நல்லடக்கம் செய்யப்படும்.

அன்னாரின் மறுமை வாழ்வு சிறக்க துவா செய்வோம்.

சமீபத்தில் சிறுவனின் மருத்துவ செலவினங்களுக்காக லண்டன் வாழ் அதிரையர் எஸ்.ஏ இம்தியாஸ் அஹமது அவர்களால் லண்டனில் திரட்டப்பட்ட  ₹1.25 லட்சம் மருத்துவ உதவியை தமுமுக இராமநாதபுரம் மாவட்ட நிர்வாகிகள் முன்னிலையில், அதிரை நகர தமுமுக - மமக நிர்வாகிகள் இராமநாதபுரம் சென்று சிறுவனின் குடும்பத்தாரிடம் வழங்கியது குறிப்பிடத்தக்கது.