பாகிஸ்தான் கடல் காகங்கள் அதிரை வருகை !

ஆண்டுதோறும் அக்டோபர் முதல் மார்ச் வரை சீசன் பறவைகள் சீசன் துவங்குகிறது. இந்த இடைப்பட்ட காலத்தில் நாகை மாவட்டம் கோடியக்கரை பறவைகள் சரணாலயத்துக்கு ஏராளமான பறவைகள் வர துவங்கும்.

அதிரை காந்தி நகரில் மீன் பிடி துறைமுகம் உள்ளது. இங்குள்ள மீனவர்கள் படகுகளில் கடலுக்கு சென்று மீன்பிடித்து வருகின்றனர். இங்குள்ள துறைமுக பகுதிக்கு பாகிஸ்தான், இமயமலை, இலங்கை உள்ளிட்ட பகுதிகளிலிருந்து ஏராளமான கடல் காகங்கள் வருகின்றன. 1 கிலோ வரை எடைகொண்ட இப்பறவையை நீர் காகம் என்ற பெயரிலும் அழைக்கின்றனர். தினமும் காலை 6 மணி முதல் 9 மணி வரையும், மாலை 4 மணி முதல் 6 மணி வரை கூடுகின்றன. கழிவு மீன்களை உண்ண வரும் கடல் காகங்களைக் காண இப்பகுதியினர் ஆர்வம் காட்டுகின்றனர்.