நடுத்தெரு வாய்க்கால் தெரு பள்ளி கல்விக்குழு தலைவராக கவுன்சிலர் என்.கே.எஸ் முஹம்மது ஷெரீப் தேர்வு !

நடுத்தெரு - வாய்க்கால் தெரு ஊராட்சி ஒன்றிய நடுநிலைப்பள்ளியின் கல்விக்குழு கூட்டம் இன்று பள்ளியில் நடைபெற்றது.

கூட்டத்திற்கு முன்னாள் தலைமை ஆசிரியர் எஸ்.கே.எம் ஹாஜா முகைதீன் தலைமை வகித்தார். முன்னாள் உதவி தலைமை ஆசிரியர் முஹம்மது ஹனீபா, பள்ளி தலைமை ஆசிரியை மாலதி ஆகியோர் முன்னிலை வகித்தனர்.

சமீபத்தில் மறைந்த பள்ளியின் கல்விக்குழு தலைவர் ஹெச். அப்துல் காதர் அவர்களுக்கு கூட்டத்தில் இரங்கல் தெரிவிக்கப்பட்டது. மேலும் இவர் பள்ளி வளர்ச்சிக்கு ஆற்றிய சேவைகள் குறித்து எடுத்துரைக்கப்பட்டன.

இதையடுத்து கூட்டத்தில் பள்ளியின் புதிய கல்விக்குழு தலைவராக அதிரை பேரூராட்சியின் 14 வது வார்டு கவுன்சிலர் என்.கே.எஸ் முஹம்மது ஷெரீப் ஏகமனதாக தேர்வு செய்யப்பட்டார். புதிய கல்விக்குழு தலைவர் கவுன்சிலர் என்.கே.எஸ் முஹம்மது ஷெரீபுக்கு கூட்டத்தில் கலந்துகொண்ட அனைவரும் வாழ்த்து தெரிவித்தனர்.

கூட்டத்தில் பள்ளியின் கல்விக்குழு பொறுப்பாளர்கள் அப்துல் மாலிக், 'கவுன்சிலர்' முஹம்மது இப்ராஹீம், 'நிருபர்' சாகுல் ஹமீது, சமூக ஆர்வலர் ஜமால் முஹம்மது, பள்ளி ஆசிரியர்கள் கலந்துகொண்டனர்.

செய்தி மற்றும் படங்கள்:

'நிருபர்' சாகுல் ஹமீது, அதிரை