MSM நகர் சாலையோர பள்ளத்தில் விழுந்த மாட்டை விரைவாக மீட்ட தீயணைப்பு வீரர்கள் !

அதிரை  MSM நகர் ஈசிஆர் சாலை ஓரத்தில் மிகப்பெரிய வாய்க்கால் உள்ளது. சாலையிலிருந்து சுமார் எட்டு அடி பள்ளத்தாக்கைக் கொண்ட இவை பராமரிப்பின்றி காணப்படுவதால் முட்புதர்களும் செடிகளும் ஏராளமாக மண்டிக் காணப்படுகின்றன.

கடந்த சில நாட்களுக்கு முன்பு இந்த சாலையோரம் சென்ற மாடு ஒன்று அருகே உள்ள பள்ளத்தில் விழுந்து விட்டது. உயிருக்கு போராடிய அந்த மாட்டை அப்பகுதியில் வசிக்கும் பொதுமக்கள் சிலர் மேலே கொண்டுவர மிகுந்த முயற்சியில் ஈடுபட்டனர். முயற்சிகள் அனைத்தும் தோல்வியில் முடிந்ததை அடுத்து பட்டுக்கோட்டை தீயணைப்பு துறையினருக்கு தகவல் தெரிவிக்கப்பட்டது. சம்பவ இடத்திற்கு விரைந்து வந்த தீயணைப்பு வீரர்கள் உடன் களப்பணியில் ஈடுபட்டு பள்ளத்தில் விழுந்த மாட்டை உயிருடன் மீட்டனர்.

அந்தப் பகுதியில் வசிக்கும் பொதுமக்கள் தீயணைப்பு துறையினரின் அரும்பணியை பாராட்டி மகிழ்ந்தனர்.