பிலால் நகர் இரயில்வே கேட்டை திறப்பதற்கு முயற்சி ! அதிரையில் ஆய்வைக் மேற்க்கொண்ட டிஆர் பாலு உறுதி !

அதிரை பிலால் நகர் அருகே உள்ள ஈசிஆர் சாலையில் அமைந்துள்ள திறக்கப்படாமல் மூடியே கிடக்கும் இரயில்வே கேட்டினால் அதன் அருகே அமைந்துள்ள அபாயகரமான வளைவைக் கொண்ட பழைய சாலையில் வாகனங்கள் சென்று வந்தன. இதனால் அப்பகுதியில் அடிக்கடி விபத்துகள் நிகழும். குறிப்பாக இரவு நேரங்களில் அதிக எண்ணிக்கையில் விபத்துகள் ஏற்படும். இவற்றை தடுக்கும் நோக்கில் இந்த மூடிய  ரயில்வே கேட் திறப்பது எப்போது ? என்ற பொதுமக்களின் கோரிக்கையை இந்தப்பகுதியில் வசிக்கும் சமூக ஆர்வலர்களிடமும், அரசியல் கட்சிகள் மற்றும் சமூக அமைப்புகளிடம் அவ்வப்போது தெரியப்படுத்தி வந்தனர்.

சேதுசமுத்திர திட்ட விழிப்புணர்ச்சி மாநாடு குறித்து விளக்கம் அளிப்பதற்காக தஞ்சை மாவட்டம் அதிரைக்கு நேற்று [ 15-05-2013 ] முன்னாள் மத்திய மந்திரியும், எம்.பி.யுமான டி.ஆர்.பாலு வந்தார். அப்போது அவருக்கு அதிரை நகர வர்த்தக சங்கம் சார்பில் மேலத்தெரு 17 வது வார்டு முன்னாள் கவுன்சிலர் VT. தஹலா மரைக்காயர் அவர்கள் பொன்னாடை போர்த்தி வரவேற்பு அளித்தார்.

இதன் பின்னர் பிலால் நகர் அருகே திறக்கப்படாமல் உள்ள இரயில்வே கேட்டினால் பல விபத்துக்கள் நடக்கின்றன. அதனை உடனே அப்புறப்படுத்த வேண்டும் என்ற பொதுமக்களின் கோரிக்கை குறித்து டி.ஆர்.பாலுவின் கவனத்துக்கு எடுத்துச்செல்லப்பட்டது.

விபத்து நடந்த இடத்தை பார்வையிட்டதோடு மட்டுமல்லாமல் அதற்கு உடனே இரயில்வே கேட்டை திறப்பதற்குரிய ஏற்பாடு செய்து தருகிறேன் என உறுதி அளித்துள்ளார். அப்போது தஞ்சை மாவட்ட இளைஞரணி செயலாளர் தம்பிக்கோட்டை ரெத்தின பிரகாஷ் அவர்களும் உடனிருந்தார்.