அம்மா திட்டத்திற்கு அதிரையில் அமோக வரவேற்பு ! திரண்டு வந்த பொதுமக்கள்

அதிரை பேரூராட்சிக்கு உட்பட்ட பகுதிகளுக்கு இன்று [ 17-09-2013 ] காலை முதல் நடுத்தெருவில் அமைந்துள்ள அதிரை பைத்துல்மாலின் அலுவலகத்திலும், அதிரை காவல் நிலையம் எதிரே அமைந்துள்ள துர்கா செல்லியம்மன் சமுதாயக்கூடத்திலும் அரசின் அம்மாதிட்டம் நடைபெற்றது.

இதில் ஏராளமான அதிரையர்கள் பெறும் திரளாக கலந்துகொண்டு பயன்பெற்று வருகின்றனர். குறிப்பாக பட்டா மாறுதல்கள், குடும்ப அட்டைகளில் மேற்கொள்ள வேண்டிய திருத்தங்கள், பிறப்புமற்றும் இறப்பு சான்றிதழ்கள், சாதி, வருமானம் மற்றும் இருப்பிட சான்றிதழ்கள், வாரிசுரிமைச் சான்றிதழ்கள், முதல் பட்டதாரி / குடும்பத்தில் பட்டதாரி இல்லை என்பதற் கான சான்றிதழ்கள், ஆண்வாரிசு இல்லை என்ற சான்றிதழ்கள், குடும்பத்தில் இரு பெண் குழந்தைகள் மட்டும் உள்ளதற்கான சான்றிதழ்கள், முதியோர் உதவித்தொகை உள்ளிட்ட உதவித்தொகை கோரும் மனுக்கள், துயர் துடைப்பு / விபத்து நிவாரணம் கோரும் மனுக்கள் மீதான அறிக்கை ஆகியன அலுவலர்களால் பெறப்பட்டு வருகின்றன.