அதிரை நியூஸ் சார்பாக நடைபெற்ற மாபெரும் கலந்தாய்வுக் கூட்டம் !

இணையதள வரலாற்றில் முதன் முறையாக கண்ணி முயற்சியாக அதிரை நியூஸ் சார்பாக அதிரை பேரூராட்சிக்கு உட்பட்ட பகுதிகளில் பொது சுகாதாரத்தை மேலும் பலப்படுத்தும் நோக்கில் அதிரை பொதுநலன் சார்ந்த

1. நகரில் பிளாஸ்டிக் பயன்பாடுகள், பிளாஸ்டிக் கழிவுகள், குப்பை கூளங்கள் ஆகியவற்றை குறைப்பது தொடர்பாக...

2. நகரில் ஏற்படும் குடிநீர் பிரச்சனைகளை எவ்வாறு நிவர்த்தி செய்யலாம் ?

3. நகரில் பிளாஸ்டிக் கேரி பைகளை தொடர்ந்து பயன்படுத்த அனுமதிக்கலாமா ? அல்லது தடை செய்யலாமா ?

4. அதிரை நகரின் வளர்ச்சிக்காக பேரூராட்சியின் சார்பாக என்னென்ன திட்டப்பணிகளை அமல்படுத்தலாம் ?

ஆகிய மேற்கண்ட விவாதங்களை எடுத்துக்கொண்டு இன்று [ 26-09-2013 ] வியாழன் மாலை 4.30 மணியளவில் மாபெரும் கலந்தாய்வுக்கூட்டம் நடைபெற்றது.

இந்த கலந்தாய்வுக்கூட்டத்தில் அதிரை அனைத்து மஹல்லா  நிர்வாகிகள், அஇஅதிமுக, திமுக, காங்கிரஸ் உள்ளிட்ட அரசியல் பிரமுகர்கள, பேராசிரியர்கள், சமூக ஆர்வலர்கள், வர்த்தகர்கள், பொதுமக்கள் ஆகியரோடு வார்டு கவுன்சிலர்களும் கலந்துகொண்டு தங்கள் பகுதியில் ஏற்படுகின்ற குறைகளையும், அதற்கான வழிமுறைகளையும் எடுத்துரைத்தனர்.

இந்த கலந்தாய்வுக் கூட்டத்திற்கு தலைமை வகித்த அதிரை பேரூராட்சி தலைவர் அஸ்லம் அவர்கள் கூட்டத்தில் முன்வைக்கப்பட்ட கோரிக்கைகள் ஒவ்வொன்றுக்கும் உரிய விளக்கமளித்தார்.

மேலத்தெரு தாஜுல் இஸ்லாம் சங்கத்தின் சார்பாக பொதுசுகாதாரத்தை வலியுறுத்தி கோரிக்கை  மனு ஓன்று பேரூராட்சி தலைவரிடம் வழங்கப்பட்டது.

இந்த கலந்தாய்வுக் கூட்டத்தில் கரையூர் தெரு , கடற்கரைத் தெரு , மேலத்தெரு, புதுமனைத்தெரு, சிஎம்பி லேன், கீழத்தெரு, தரகர் தெரு, முத்தம்மாள் தெரு , சேது ரோடு, பழஞ் செட்டித்தெரு, நெசவுத்தெரு, தகவா பள்ளி மீன் மார்கெட் ஆகிய பகுதிகளில் ஏற்படும் பிரச்னைகள் குறித்து அந்த பகுதியின் பிரதிநிதிகள் கருத்துகளை பதிந்தனர்.

நிகழ்சிகள் அனைத்தையும் அதிரை நியூஸ் முதன்மை பங்களிப்பாளர் மணிச்சுடர் சாகுல் ஹமீத் தொகுத்து வழங்கினார்.

மேலும் சூடான விவாதங்கள் குறித்து காணொளியும், கூடுதல் செய்திகளும் விரைவில் தளத்தில் பதியப்படும்.

அதிரை நியூஸ் குழு