அதிரைக் கடலோரப்பகுதிகளில் மாவட்ட ஆட்சியர் திடீர் ஆய்வு !

தமிழக கடலோரப்பகுதிகளில் தாக்குதல் நடத்தக்கூடும் என உளவுத்துறையின் எச்சரிக்கையை அடுத்து இன்று பகல் மாவட்ட ஆட்சியர் பாஸ்கரன் அவர்கள் அதிரை அருகே உள்ள கடலோர கிராமமான கீழத்தோட்ட கடல் பகுதிக்கு சென்று பாதுகாப்புக் குறித்த ஆய்வை மேற்கொண்டார்.

இந்த ஆய்வின் போது கடற்கரை பகுதிகளிலோ, கடலிலோ அறிமுகம் இல்லாத நபர்கள், படகுகள் தென்பட்டால் உடனடியாக 1093 என்ற எண்ணிலோ அல்லது அருகில் உள்ள போலீஸ் நிலையங்களிலோ தகவல் தெரிவிக்க வேண்டும்.  படகு, கடற்கரை, மற்றும் கடலில் மர்ம பொருட்கள், படகுகள் தென்பட்டால் உடனடியாக போலீசாருக்கு தகவல் தெரிவிக்க வேண்டும் என்று வலியுறுத்தி லேமினட் செய்யப்பட்ட அறிவிப்பை மீனவர்களிடம் வழங்கினார்.

இந்த ஆய்வின் போது தஞ்சை மாவட்ட கண்காணிப்பாளர் தர்மராஜ் பட்டுக்கோட்டை டிஎஸ்பி வெங்கடேசன், இன்ஸ்பெக்டர் செங்கமலக்கண்ணன் மற்றும் அரசு அதிகாரிகள், காவல்துறையினர் உடனிருந்தனர்.

இதன் பின்னர் கீழத்தோட்டம் ஒன்றிய தொடக்கப்பள்ளியில் நடைபெற்ற கடற்கரைப்பகுதி பாதுகாப்பு குறித்து விழிப்புணர்வு கூட்டத்தில் மாவட்ட ஆட்சியர் பாஸ்கரன் மற்றும் தஞ்சை மாவட்ட கண்காணிப்பாளர் தர்மராஜ் ஆகியோர் பொதுமக்களிடையே உரை நிகழ்த்தினார்கள். இக்கூட்டதில் கடலோரப்பகுதிகளில் உள்ள மீனவர்கள், முக்கிய பிரமுகர்கள் கலந்து கொண்டனர்.