சென்னையில் மரணமடைந்த அதிரையர் கொலை செய்யப்பட்டது போலீசார் விசாரணையில் தெரியவந்தது !

அதிரை புதுமனைத்தெருவைச் சேர்ந்தவர் அகமது கபீர் [ வயது 52 ]. இவர் வெளிநாட்டு வேலைக்கு ஆட்களை அனுப்பும் ஏஜெண்டு ஆக இருந்தார். அதற்காக சென்னை மண்ணடி லாட்ஜில் அறை எடுத்து தங்கியிருந்தார். கடந்த 4 நாட்களுக்கு முன் இவர் தங்கியிருந்த அறையில் பிணமாக கிடந்தார்.

இதுபற்றிய தகவலின் பேரில் மண்ணடி போலீசார் அவரது உடலை கைப்பற்றி ஸ்டான்லி அரசு ஆஸ்பத்திரியில் பிரேத பரிசோதனை செய்தனர்.

அதில், ஏஜெண்ட் அகமது கபீர் கழுத்து நெரிக்கப்பட்டு கொலை செய்யப்பட்டிப்பது தெரியவந்தது. இது குறித்து போலீசார் தீவிர விசாரணை மேற்கொண்டனர்.

அகமது கபீரின் செல்போனில் கடைசியாக மதன்ராஜ் (27) என்ற வாலிபர் பேசியது தெரியவந்தது. தஞ்சாவூரை சேர்ந்த அவர் தலைமறைவாக இருந்தார். அவரை பிடித்து விசாரித்த போது கபீரை கழுத்தை நெரித்து கொன்றதை ஒப்புக் கொண்டதை அடுத்து அவரை போலீசார் கைது செய்தனர்.

நன்றி : மாலை மலர்