அதிரை காதிர் முகைதீன் ஆண்கள் மேல்நிலைப்பள்ளியில் கொண்டாடப்பட்ட ஆசிரியர் தின விழா !

இன்று [ 05-09-2013 ] மாலை 4.30 மணியளவில் அதிரை காதிர் முகைதீன் ஆண்கள் மேல் நிலைப்பள்ளியின் வளாகத்தில் ஆசிரியர் தின விழா சிறப்பாக கொண்டாடப்பட்டது.

முன்னாள் தலைமை ஆசிரியர் S.K.M. ஹாஜா முகைதீன் அவர்களின் தலைமையிலும், காதிர் முகைதீன் கல்லூரியின் துணை முதல்வர் உதுமான் முகைதீன் அவர்களின் முன்னிலையில் இனிதே துவங்கியது.

இந்த விழாவில் அனைவரும் ஆவலுடன் எதிர்பார்த்துக்கொண்டிருந்த அதிரையின் பிரபல எழுத்தாளரும், மனிதவள ஆலோசகருமாகிய இப்ராஹீம் அன்சாரி அவர்களின் சிறப்பு சொற்பொழிவு அனைவரையும் கவர்ந்தது.

சிறப்பு விருந்தினராக கலந்துகொண்ட பிரபல பட்டிமன்ற பேச்சாளராகிய அண்ணா சிங்காரவேலு சிந்தனையைத் தூண்டுகிற வகையில் நகைச்சுவை உரை நிகழ்த்தி அனைவரையும் அசத்தினார்.

முன்னதாக வந்திருந்த அனைவரையும் காதிர் முகைதீன் ஆண்கள் மேல் நிலைப்பள்ளியின் தலைமை ஆசிரியர் A. மஹபூப் அலி அவர்கள் வரவேற்று பேசினார். பள்ளியின் மூத்த முதுகலை ஆசிரியர் ஹாஜி முஹம்மது அவர்கள் பள்ளி மாணவர்கள் நிகழ்த்திய சமீபகால சாதனைகளைப் பட்டியலிட்டு வாழ்த்துரை வழங்கினார். நிகழ்ச்சிகள் அனைத்தையும் பள்ளியின் தமிழ் ஆசிரியர் உமர் பாருக் அவர்கள் இனிய தமிழில் அழகாக தொகுத்து வழங்கினார்.

இந்நிகழ்ச்சியில் நமதூர் கல்வியாளர்கள், சமூக ஆர்வலர்கள் ஆகியோருடன் பள்ளியின் முன்னாள் ஆசிரியர்கள் - மாணவர்கள் என அனைவரும் கலந்துகொண்டு சிறப்பித்தனர். வந்திருந்த அனைவரையும் பள்ளியின் ஆசிரியை ஆசிரியப்பெருமக்கள் அன்புடன் வரவேற்று உபசரித்தனர்.