அதிரையில் தி.மு.க நடத்திய மாபெரும் ஆர்ப்பாட்டம் !

அதிரை பேரூந்து நிலையத்திலிருந்து பழைய போஸ்ட் ஆபிஸ் ரோடு, கடைத்தெரு, கீழத்தெரு, மேலத்தெரு வழியாக மகிழங்கோட்டை சாலை மற்றும் சி.எம்.பி லைனிலிருந்து நடுவிக்காடு, உள்ளூர் புதுக்கோட்டைக்குச் செல்லும் சாலை ஆகியவற்றை மறு சீரமைத்து தரவேண்டும் என்ற கோரிக்கையை வலியுறுத்தி மாபெரும் ஆர்ப்பாட்டம் இன்று காலை 10.30 மணியளவில் அதிரை பேருந்து நிலையம் அருகே நடைபெற்றது.

ஒன்றிய செயலாளர் ஏனாதி பாலசுப்ரமணியம் அவர்கள் தலைமையிலும், அதிரை பேரூராட்சி தலைவர் அஸ்லம், நகர செயலாளர் இராம. குணசேகரன், மகிழங்கோட்டை ஊராட்சி துணைத்தலைவர் சுப்புமாறன், தொக்காளிக்காடு ஊராட்சித்தலைவர் மணிவாசகம், மழவேனிற்காடு ஊராட்சித்தலைவர் மல்லிகா மணியரசர் மற்றும் தி.மு.க நகர நிர்வாகிகள், தி.மு.க. வார்டு உறுப்பினர்கள் உள்ளிட்ட ஏராளமானோர் கலந்துகொண்டு சிறப்பித்தனர். போலீசார் பாதுகாப்பு பணிகளில் ஈடுபட்டிருந்தனர்.