காதிர் முகைதீன் கல்லூரியில் நடைபெற்ற மீலாது விழா நிகழ்ச்சி !

அதிரை காதிர் முகைதீன் கல்லூரியில் கடந்த [ 06-02-2014 ] அன்று காலை 11 மணியளவில் கல்லூரியின் கலையரங்கில் மீலாத் விழா நிகழ்ச்சி சிறப்பாக நடைபெற்றது.

நிகழ்ச்சியை தலைமை ஏற்று நடத்திய காதிர் முகைதீன் கல்லூரியின் முதல்வர் முனைவர் A. ஜலால் அவர்கள் வரவேற்புரை நிகழ்த்தினார். காதிர் முகைதீன் கல்லூரியின் துணை முதல்வர் முனைவர் உதுமான் முகைதீன் முன்னிலை வகித்தார்.

சிறப்பு அழைப்பாளராகக் கலந்துகொண்ட முனைவர் மு. அப்துல் சமது அவர்கள் நிகழ்த்திய சிறப்புரை அனைவரையும் கவர்ந்தது. முன்னதாக கிராத் பேராசிரியர் முஹம்மது இத்ரீஸ் அவர்களால் தமிழ் மொழியில் வழங்கினார். 

நிகழ்ச்சிகள் அனைத்தையும் இனிய தமிழில் அழகாக தொகுத்து வழங்கினார் தமிழ்துறை பேராசிரியர் செய்யது அஹமது கபீர் அவர்கள்.

நிகழ்ச்சியின் இறுதியில் தமிழ்த்துறை தலைவர் முனைவர் A. கலீல் ரஹ்மான் அவர்களால் நன்றியுரை நிகழ்த்தப்பட்டது. மேலும் நபிகள் நாயகம் [ ஸல் ] அவர்களைப்பற்றிய சிறப்பு பேச்சு போட்டி மற்றும் கட்டுரைப் போட்டியில் கலந்துகொண்டு வெற்றிபெற்ற மாணவ மாணவியருக்கு சான்றிதழும், குர்ஆனும் இந்நிகழ்ச்சியில் வழங்கப்பட்டன.

இந்நிகழ்ச்சியில் சிறப்பு விருந்தினர்கள், ஊர் முக்கியஸ்தர்கள், காதிர் முகைதீன் கல்லூரியின் பேராசிரியர்கள், அலுவலக ஆய்வகப் பணியாளர்கள், மாணவ மாணவிகள் ஆகியோர் கலந்துகொண்டு சிறப்பித்தனர்.