பிலால் நகர் ஏழை சகோதரிக்கு வாழ்வாதார உதவியளித்த ஆஸ்பத்திரி தெரு சகோதரி !

அதிரை பிலால் நகரைச் சேர்ந்த சமிபத்தில் தனது கணவனை இழந்து, பள்ளி செல்லும் 3 பெண் குழந்தைகளோடும், மற்றொரு குழந்தையை இன்னும் 4 மாதத்தில் ஈன்றெடுக்கும் தருவாயில் ஏழ்மை  நிலையில் வாடகை வீட்டில் வசித்து வரும் ஏழை சகோதரி ஒருவருக்கு வாழ்வாதார உதவியை த.மு.மு.க கடந்த [ 29-01-2014 ] அன்று வழங்கியதை நாம் செய்தியாக தளத்தில் வெளியிட்டிருந்தோம்.

இந்த செய்தியை பார்வையிட்ட அதிரை ஆஸ்பத்திரி தெரு மருத்துவர் குடும்பத்தை சேர்ந்த சகோதரி ஒருவர் நிதி உதவியும், அந்த குடும்பத்திற்கு தேவையான துணிமணிகளும் இன்று மாலை நேரடியாக சந்தித்து வழங்கினார். உதவியை பெற்றுக்கொண்ட அந்த குடும்பத்தினர் நன்றியை தெரிவித்துக்கொண்டதோடு வழங்கியோருக்கு துவாவும் செய்தனர்.