அதிரையில் ஊர்காவல் படைக்கு ஆட்கள் தேர்வு !

ஊர்காவல்படையில் சேர விரும்புபவர்கள் 10ம் வகுப்பு படித்து இருக்க வேண்டும். வயது 18ல்இருந்து 50க்குள் இருக்க வேண்டும். விளையாட்டு, சமூகசேவை, காராத்தே போன்றவைகளில் சிறப்பு தகுதி உள்ளவர்களுக்கு முன்னுரிமை, மத்திய, மாநில மற்றும் தனியார் நிறுவனங்களில் பணிபுரிவோர் இதில் சேரலாம் என்ற அடிப்படையில் இதற்கான நேர்முக தேர்வு இன்று காலை 10 மணி அளவில் அதிரை காவல் நிலையத்திற்கு எதிரே அமைந்துள்ள செல்லியம்மன் சமுதாய கூடத்தில் நடைபெற்றது.

இதில் காவல்துறை உயர் அதிகாரிகள், கடற்படை அதிகாரிகள், ஊர்க்காவல் படை அதிகாரி மற்றும் ஆலோசகர் ஆகியோர் கலந்துகொண்டு தகுதியானவரை தேர்வு செய்தனர். இன்றைய நேர்முகத் தேர்வுக்கு 50க்கும் மேற்பட்ட மாணவர்கள் கல்வி, விளையாட்டு சான்றிதழ்களுடன் வந்து கலந்துகொண்டனர். இதில் தேர்வானவர்களுக்கு போலீசார் மூலம் 30 நாட்கள் பயிற்சி அளிக்கப்படும்.