காதிர் முகைதீன் கல்லூரியில் ஆங்கில மொழியின் சிறப்பு குறித்து கருத்தரங்கம் நிகழ்ச்சி !

அதிரை காதிர் முகைதீன் கல்லூரியில் இன்று [ 15-02-2014 ] காலை 11 மணியளவில் ஆங்கில மொழியின் சிறப்பு குறித்து கருத்தரங்கம் நிகழ்ச்சி கல்லூரியின் கலையரங்கத்தில் சிறப்பாக நடைபெற்றது.

இந்நிகழ்ச்சியில் காதிர் முகைதீன் கல்லூரியின் முதல்வர் முனைவர் A. ஜலால் அவர்கள் தலைமையேற்று ஆங்கில மொழியின் அவசியம் குறித்து பேசினார். காதிர் முகைதீன் கல்லூரியின் துணை முதல்வர் முனைவர் உதுமான் முகைதீன் முன்னிலை வகித்தார்.

சிறப்பு அழைப்பாளராகக் கலந்துகொண்ட திருச்சி ஜமால் முஹம்மது கல்லூரியின் ஆங்கில துறை பேராசிரியர் முனைவர் A. முஹம்மது அலி ஜின்னா அவர்கள் நிகழ்த்திய சிறப்புரையில் 'ஆங்கில மொழி பிற மொழிகளோடு கொண்டுள்ள வேறுபாடுகள் மற்றும் அதன் சொல்வளம்' ஆகியவற்றை குறிப்பிட்டு பேசினார்.

முன்னதாக ஆங்கிலத்துறையின் தலைவர் முனைவர் A. முகம்மது முகைதீன் அவர்கள் வரவேற்புரை நிகழ்த்தினார்.

நிகழ்சிகள அனைத்தையும் ஆங்கிலத்துறை பேராசிரியை MA. தஸ்லீமா அவர்கள் அழகாக தொகுத்து வழங்கினார். இறுதியில் பேராசிரியை E. பிளோமினா அவர்கள் நன்றியுரை நிகழ்த்தினார்.

இந்நிகழ்ச்சியில் சிறப்பு விருந்தினர்கள், கல்லூரியின் பேராசிரியர்கள், அலுவலக ஆய்வகப் பணியாளர்கள், மாணவ மாணவிகள் ஆகியோர் கலந்துகொண்டு சிறப்பித்தனர்.