காதிர் முகைதீன் கல்லூரியில் மென்திறன் வளர்த்தல் பயிற்சி முகாம் !

அதிரை காதிர் முகைதீன் கல்லூரியில் சென்னை ஜென் அகடாமியின் [ ZEN ACADEMY ] சார்பில் மென்திறன் வளர்த்தல் பயிற்சி முகாம் நடைபெற்றது. இந்த பயிற்சி முகாமில் ஆளுமை மேம்பாட்டுத் திறன், வாழ்க்கையில் வெற்றி பெறுவது குறித்து பயிற்சி அளிக்கப்பட்டது. மூன்று நாட்கள் நடைபெற்ற இந்த பயிற்சி முகாம் மூன்று குழுக்களாக பிரிக்கப்பட்டு பயிற்சி அளிக்கப்பட்டது.

காதிர் முகைதீன் கல்லூரியின் முதல்வர் முனைவர் A. ஜலால் அவர்கள் தலைமையேற்க, நிகழ்ச்சி ஒருங்கினைப்பாளரும், கணினித்துறை தலைவருமாகிய N. ஜெயவீரன் முன்னிலை வகித்தார். சிறப்பு விருந்தினர்களாக வருகை தந்த சென்னை ஜென் அகடாமியின் பேராசிரியர்கள் சுதிர், ஜெயக்குமார், ஹரிஹரன் ஆகியோர் மாணவர்களுக்கு பயிற்சி அளித்தனர்.

முன்னதாக இணை பேராசிரியர் A. சேக் அப்துல் காதர் வரவேற்புரை நிகழ்த்த, உதவி பேராசிரியர் A. ஹாஜா அப்துல் காதர் நன்றியுரை வழங்கினார்.

இந்த பயிற்சி முகாமில் 150 க்கும் மேற்பட்ட முதுநிலை கணினி அறிவியல், மற்றும் முதுநிலை கணினி பயன்பாட்டுயியல் மாணவ மாணவிகள் பங்கேற்று பயனடைந்தனர்.