குற்றாலத்தில் குவிந்த அதிரையர்கள் !

ஜூன் மாதம் முதல் ஆகஸ்ட் வரை குற்றாலத்தில் குளு குளு சீசன் துவங்கி விடும். ரமலான் நோன்பு முடிந்துள்ள நிலையில், தற்போது குற்றாலத்தில் சீசன் துவங்கியதால் அதிரையர்கள் அங்கு குவிந்துள்ளனர்.

பலர் வெளிநாடுகளிலிருந்து பெருநாளை முன்னிட்டு ஊர் வந்தவர்கள் பெருநாள் முடிந்த கையோடு குற்றால அருவிக்கு படையெடுத்துவிட்டனர். இங்குள்ள பல்வேறு அருவிகளில் குறிப்பாக பேரருவி, ஐந்தருவி, பழைய குற்றால அருவி, புலியருவி, சிற்றருவி, பாலாறு, பாபநாசம் உள்ளிட்ட முக்கிய அருவிகளில் குளித்து மகிழ்கின்றனர். குளித்து முடித்தவுடன் தங்கியிருக்கும் வீடுகளில் சொந்தமாக சமைத்து மகிழ்ச்சியுடன் சாப்பிட்டனர். மேலும் அங்கு நேரந்தவறாமல் தொழுகையும் நிலைநிறுத்தினர்.