அதிரையர்களின் கனிவான கவனத்திற்கு. (நாளை "16/07/2015" அவசரகால மின் நிறுத்தம்)

அதிரையில் நேற்று 14/07/2015 செவ்வாய்கிழமை காலை 6.55மணி முதல் மாலை 4.55மணி வரை, சரியாக 10.00மணி நேரங்கள் மின்சாரம் இல்லாமல் இருந்தது.

இது எதனால் ஏற்பட்டது?

மதுக்கூர் வாடியாக்காடு துணை மின் நிலையத்தில் 110KV மின் சுற்று சர்க்யூட் பிரேக்கரில் எதிர்பாராத விதமாக பழு ஏற்பட்டதினால் மின் தடங்கல் ஏற்பட்டது.

இது அதிரைக்கு மட்டும் இல்லை, அந்த துணை மின் நிலையத்திலிருந்து எங்கெல்லாம் மின்சாரம் எடுத்துச் செல்லப்படுகின்றதோ, அங்கெல்லாம் மின்சாரம் இல்லை. கிட்டத்தட்ட 50-க்கும் மேற்பட்ட ஊர்களுக்கு நேற்று மின்சாரம் இல்லை.

நேற்று “14/07/2015” தற்காலிகமாக சரிசெய்து மாலை 4.55மணிக்கு மின்சாரம் வழங்கப்பட்டது. இது எந்த நேரத்திலும் காலை வாரிவிடும்.

எனினும், உயர் பொறியியல் வல்லுனர்கள் நாளை 16/07/2015 வியாழக்கிழமை வருகைத் தந்து, அதில் ஏற்பட்ட பழுதை முழுமையாக நீக்கி தடை இல்லாமல் இயங்குவதற்கு வழிவகை செய்து தர இருக்கின்றார்கள்.

ஆகவே, அவசரகால பராமரிப்புக்காக நாளை 16/07/2015 வியாழக்கிழமை காலை 8.30மணியிலிருந்து, மாலை 6.00மணிவரை மின் நிறுத்தம் செய்யப்படும் என்று உயர் அதிகாரிகளால் முடிவு செய்யப்பட்டிருப்பதால்,  நாளை மின்சாரம் மேலே குறிப்பிட்ட அந்த நேரங்களில் இருக்காது என்று மின் வாரிய அதிகாரியாகிய திரு. வீராசாமி, ADE, மதுக்கூர் வாடியாக்காடு துணை மின் நிலையம், அவர்களால் உறுதி பூர்வமாக அறிவிக்கப்பட்டுள்ளது.

பொதுமக்கள் ஒத்துழைப்பு தருமாறு அன்புடன் கேட்டுக் கொள்ளப்படுகிறார்கள்.

தகவல்:- திரு.வீராசாமி.ADE, TNEB. MADUKUR, VADIYAKADU SS.

K.M.A. ஜமால் முஹம்மது. கோ.மு.அ.

த/பெ. (மர்ஹூம்) கோ.மு. முஹம்மது அலியார்.