அதிரை அருகே நல்ல பாம்பு கடித்து ஒருவர் பரிதாப பலி !

அதிரை அருகே உள்ள தாமரங்கோட்டை மேலக்காடு பகுதியை சேர்ந்தவர் வீரையன். இவரது மகன் சின்னையன் ( வயது 55 ) கூலித்தொழிலாளியாக இருந்து வருகிறார். நேற்று இரவு வீட்டில் இருந்த போது நல்ல பாம்பு கடித்தது. வலியால் துடித்துக்கொண்டிருந்தவரை சிகிச்சைக்கு பட்டுக்கோட்டை அரசு மருத்துவமனைக்கு கொண்டு சென்றனர். அங்கு சிகிச்சை அளித்து வந்த சிறிது நேரத்தில் சிகிச்சை பலனின்றி பரிதாபமாக உயிரிழந்தார். இதுகுறித்து அதிரை காவல் நிலையத்தில் வழக்கு பதிவு செய்யப்பட்டு காவல் நிலைய எஸ்எஸ்ஐ ஜீவானந்தம் விசாரணை மேற்கொண்டு வருகிறார். இந்த சம்பவம் அப்பகுதியில் பெரும் பரபரப்பை ஏற்படுத்தியது.