எம்.எல்.ஏ ரெங்கராஜனின் மனிதநேயம்!

பட்டுக்கோட்டை சட்டமன்ற தொகுதி எம்.எல்.ஏ. என்.ஆர்.ரெங்கராஜன், பட்டுக்கோட்டை சுற்று வட்டாரங்களில் மழை நீர் சூழ்ந்துள்ள பகுதிகளை பார்வையிட்டார். மதுக்கூர் வட்டாரத்தில் மழை நீர் நேற்று முன்தினம் சூழ்ந்துள்ள பகுதிகளை பார்வையிட்டு விட்டு பட்டுக்கோட்டை திரும்பினார். வளவன்புரம் என்ற இடத்தில் நடந்த சாலை விபத்தில் தனியார் பேருந்து மோதி படுகாயமடைந்து ரோட்டில் கிடந்த அதே பகுதியை சேர்ந்த கருப்பையன் மகன் சரவணன் (8) என்ற சிறுவனை தனது காரில் தூக்கி வந்து பட்டுக்கோட்டை அரசு மருத்துவமனையில் சேர்த்தார். சிறுவனுக்கு அவனுக்கு நல்ல முறையில் சிகிச்சையளிக்க அங்கிருந்த அரசு மருத்துவர்களை கேட்டுக்கொண்டார். உயிருக்கு போராடிய சிறுவனை உரிய நேரத்தில் தனது காரில் ஏற்றி வந்து மருத்துவமனையில் சிகிச்சைக்காக சேர்த்த எம்எல்ஏ ரெங்கராஜன் அவர்களின் மனிதநேயத்தை பொதுமக்கள் பலரும் பாராட்டினார்கள்.