நான்கு நாட்களுக்கு பிறகு அதிரையில் மீண்டும் குடிநீர் விநியோகம் !

அதிரை நகர மக்களுக்கு குடிநீர் சப்ளை அருகில் உள்ள விலாரிக்காடு பகுதியில் அமைந்துள்ள அதிக திறன் கொண்ட நீர் மூழ்கி மோட்டார் பம்ப் மூலம் தண்ணீர் எடுத்து அதிரையில் இருக்கிற நீர் தேக்கத் தொட்டிகளில் சேமித்து வைத்து வீடுகளுக்கு விநியோகம் செய்யப்படுகிறது.

இதில் ஏற்பட்டுள்ள பழுதுகளை குறிப்பாக வால்வுகளை புதிதாக மாற்றப்பட வேண்டி இருந்ததால் கடந்த திங்கட்கிழமை மற்றும் செவ்வாய்க்கிழமை ஆகிய இரண்டு தினங்களுக்கு குடிநீர் விநியோகம் இருக்காது என அதிரை பேரூராட்சி நிர்வாகம் சார்பாக அறிவிப்பு செய்யப்பட்டது.

மேலும் குடிநீர் பற்றாக்குறையுள்ள பகுதிகளுக்கு ஒரு சில தன்னார்வலர்களால் டேங்கர் லாரிகளில் குடிநீர் விநியோகமும் செய்யப்பட்டு வந்தன. புதிய வால்வுகள் மாற்றியமைக்கப்பட்டதைத் தொடர்ந்து இன்று முதல் அதிரை நகரின் அனைத்து பகுதிகளுக்கும் மீண்டும் குடிநீர் விநியோகம் செய்யப்பட்டது.