அதிரை லயன்ஸ் சங்கம் நடத்திய மாபெரும் இலவச மருத்துவ முகாம் !

அதிரை லயன்ஸ் சங்கம் மற்றும் திருச்சி ராயல் பேர்ல் மருத்துவமனை ஆகியோர் இனைந்து நடத்தும் மாபெரும் சைனஸ் [ காது, மூக்கு, தொண்டை ] இலவச மருத்துவ முகாம் அதிரை சேது பெருவழிச்சாலையில் அமைந்துள்ள சாரா திருமண மஹாலில் இன்று [ 07-07-2013 ] காலை 10 மணி முதல் பகல் 1 மணி வரை சிறப்பாக நடைபெற்றது.

இதற்காக காது, மூக்கு, தொண்டை சிறப்பு மருத்துவர் T.N. ஜானகிராமன் MS., D.L.O அவர்களின் மருத்துவக் குழுவினர் முகாமிற்கு வருகை தந்து பரிசோதித்தனர். இம்முகாமில் அதிரை மற்றும் இப்பகுதியை சுற்றி வசிக்கக்கூடிய பொதுமக்கள் பெரும் திரளாக கலந்துகொண்டு மருத்துவ ஆலோசனையை பெற்றுச்சென்றனர்.

நிகழ்ச்சிக்குரிய அனைத்து ஏற்பாடுகளையும் லயன்ஸ் சங்கத்தலைவர் M. அஹமது, செயலர் பேராசிரியர் செய்யது அஹமது கபீர், பொருளாளர் M. சாகுல்ஹமீது ஆகியோருடன் லியோ சங்கம் காதிர் முகைதீன் கல்லூரி, அதிரை லியோ சங்கம் மற்றும் லயன்ஸ் அங்கத்தினர் சிறப்பாக செய்து இருந்தனர்.