அதிரை அல்அமீன் பள்ளி இஃப்தார் நிகழ்ச்சியில் பெரும் திரளாக கலந்துகொண்ட அதிரையர்கள் !

அதிரை அல் அமீன் பள்ளியில் வழக்கம்போல் இந்த வருடமும் ரமலான் மாதம் முழுவதும் இஃப்தார் நிகழ்ச்சிக்கு ஏற்பாடு செய்யப்பட்டுள்ளது. நாள் ஒன்றுக்கு 40 கிலோ அரிசியில் தயாரிக்கப்படும் நோன்பு கஞ்சியை இந்தப்பகுதியில் வசிக்கும் பொதுமக்களோடு சிறுவர் சிறுமிகளும் ஆர்வமாக வந்து வாங்கிச் செல்கின்றனர். இதற்காக பள்ளியின் நிர்வாகம் சார்பாக குழுவினர் நியமித்து தினமும் அஸர் தொழுகைக்குப்பின் நோன்பு கஞ்சி விநியோகம் செய்யப்பட்டு வருகிறது.

இன்று மாலை நடைபெற்ற இஃப்தார் நிகழ்ச்சியில் 400 க்கும் மேற்பட்ட அதிரையர்கள் பெரும் திரளாக கலந்துகொண்டனர். 

குறிப்பு : அல் அமீன் பள்ளியில் தினமும் விநியோகித்து வரும் நோன்பு கஞ்சிக்குரிய செலவினங்களை பகிர்ந்துகொள்ள விரும்பும் சகோதரர்கள் அல் அமீன் பள்ளியின் நிர்வாகிகளை தொடர்புகொண்டு உதவலாம்.