அதிரை பேரூந்து நிலையம் அருகே ஏற்பட இருந்த பெரும் விபத்து தவிர்ப்பு !

இன்று [ 04-07-2013 ] இரவு 7 மணியளவில் அதிரை பேரூந்து நிலையம் அருகே ஏற்பட இருந்த பெரும் விபத்து தவிர்க்கப்பட்டது.

சேது பெருவழிச்சாலையில் அதிரைப் பேரூராட்சி அலுவலத்திற்கு எதிரே செல்லும் பிரதான மின்கம்பி எதிர்பாராத விதமாக அறுந்து தொங்கியது. இதைப்பார்த்த அப்பகுதி மக்கள் பெரும் அதிர்ச்சியடைந்தனர்.  தகவலறிந்த காவல்துறையினர் அப்பகுதிக்கு விரைந்து வந்து அவ்வழியே செல்லும் வாகனங்களையும் பொதுமக்களையும் மாற்று பாதையில் செல்ல அறிவுறுத்தினர்.

அதன் பிறகு வந்த அதிரை மின்சார வாரிய ஊழியர்கள் அறுந்து தொங்கிய மின்கம்பியை சரிசெய்தனர்.  இதனால் இப்பகுதி முழுவதும் சுமார்  ஒரு மணி நேரம் பரபரப்பாக காணப்பட்டதுடன் மின் இணைப்பும் துண்டிக்கப்பட்டிருந்தது. மேலும் இப்பகுதியில் நிகழ இருந்து பெரும் விபத்து துரித நடவடிக்கையால் தவிர்க்கப்பட்டது.