'அதிரை நியூஸ்'ஸின் நேர்காணலின் போது தந்த வாக்குறுதியை நிறைவேற்றிய நமது தொகுதி சட்டமன்ற உறுப்பினர் N.R. ரெங்கராஜன் MLA அவர்கள் !

அதிரை பொதுநலன் சார்ந்த கீழ்கண்ட மூன்று கோரிக்கைகளை நிறைவேற்றித் தர வேண்டி அதிரை நியூஸ் சார்பாக கடந்த [ 01-06-2013 ] அன்று நேரடியாக சந்தித்து வலியுறுத்தினோம்.

அதிரை நியூஸின் நேர்காணலைக் காண  [ காணொளி ]

1. அரசு பொதுமருத்துவமனையின் கூடுதல் மருத்துவருடன் கூடிய 24 மணி நேர சேவை...

2. அரசின் சார்பாக அதிரையிலிருந்து மன்னார்குடிக்கு புதிய போக்குவரத்து துவக்குதல்...

3. அதிரை பேரூந்து நிலையத்திலிருந்து பழைய போஸ்ட் ஆபிஸ் ரோடு, கடைத்தெரு, கீழத்தெரு, மேலத்தெரு வழியாக மகிழங்கோட்டை சாலையை மறு சீரமைத்து தருதல்...

உள்ளிட்ட நமது கோரிக்கைகளை அன்றைய தினம் கவனமாக கேட்டுக்கொண்டு நிறைவேற்றி தருவதாக வாக்குறுதியளித்தார். அதன் தொடர்ச்சியாக மூன்று கோரிக்கைகளில் ஒன்றாகிய அதிரை பேரூந்து நிலையத்திலிருந்து பழைய போஸ்ட் ஆபிஸ் ரோடு, கடைத்தெரு, கீழத்தெரு, மேலத்தெரு வழியாக மகிழங்கோட்டை சாலையை மறு சீரமைத்து தருதல் தொடர்பாக நமது தொகுதி சட்டமன்ற உறுப்பினர் N.R. ரெங்கராஜன் MLA அவர்கள் தஞ்சை மாவட்ட கலெக்டர் பாஸ்கரனுக்கு அனுப்பியுள்ள மனுவில் கூறியிருப்பதாவது :

பட்டுக்கோட்டை தொகுதிக்கு உட்பட்ட அதிராம்பட்டினம் பகுதியில் சாலைகள் குண்டும் – குழியுமாக உள்ளது. இந்த சாலை அதிராம்பட்டினத்திலிருந்து மகிழங்கோட்டை வரை செல்லும் சாலை ஆகும். இச்சாலையில் பொது மக்கள் உரிய நேரத்தில் சென்று வர முடியாமல் அவதிப்படுகிறார்கள்.

எனவே மாவட்ட கலெக்டர் உரிய நடவடிக்கை எடுத்து விரைவாக இந்த சாலையை சீரமைத்து தர வேண்டும் என்று கேட்டுக்கொள்கிறேன். இவ்வாறு அந்த மனுவில் அவர் கூறியுள்ளார்.

அதிரை பொதுமக்களின் பொதுநலன் சார்ந்த பிரச்சனையை விரைவாக அரசின் கவனத்துக்கு எடுத்துச்சென்ற தங்களுக்கு, அதிரை பொதுமக்கள் மற்றும் அதிரை நியூஸ் குழுமத்தின் சார்பாக வாழ்த்துகளையும் - பாராட்டுகளையும் அன்புடன் தெரிவித்துக்கொள்வதில் மகிழ்ச்சியடைகின்றோம். மேலும் மற்ற இரு கோரிக்கைகளையும் விரைவாக நடவடிக்கை எடுக்க வேண்டும் என்ற வேண்டுகோளையும் அதிரை பொதுமக்களின் சார்பாக அன்புடன் நினைவூட்டுகின்றோம்.

அதிரை நியூஸ் குழு