பிலால் நகர் ஈசிஆர் சாலையில் மினி லாரி கவிழ்ந்து விபத்து ! இருவர் பலத்த காயம் !

இன்று [ 20-07-2013 ] இரவு 9 மணியளவில் அதிரை சேது பெருவழிச்சாலை பிலால் நகர் அருகேயுள்ள சாலையோர பள்ளத்தில் மினி லாரி கவிழ்ந்து விபத்துக்குள்ளானது. இதில் இருவர் பலத்த காயம் அடைந்தனர்.

நாகப்பட்டினத்தில் இருந்து மீன் லோடு ஏற்றி வந்த மினி லாரி பிலால் நகர் அருகே உள்ள பெட்ரோல் நிலையத்தை கடந்து செல்லும் போது எதிரே வந்த இரு சக்கர வாகனத்தில் மோதியது. அப்போது டிரைவரின் கட்டுப்பாட்டை இழந்த மினி லாரி சாலையோர பள்ளத்தில் தலைகீழாக கவிழ்ந்தது. இதில் இரு சக்கர வாகனம் சுக்கு நூறாக நொறுங்கியதுடன் அதில் பயணம் செய்த இருவரும் பலத்த காயம் அடைந்தனர். தகவலறிந்த அப்பகுதி மக்கள் திரண்டு வந்து முதலுதவி செய்தனர். மேலும் விரைவாக ஆம்புலன்சை வரவழைத்து சிகிச்சைக்காக மருத்துவமனைக்கு அனுப்பி வைத்தனர். இதனால் இந்தப் பகுதி முழுவதும் சில மணி நேரங்கள் பரப்பரப்பாக காணப்பட்டன. 

விபத்து குறித்து தகவலறிந்த அதிரை காவல்துறையினர் சம்பவ இடத்திற்கு விரைந்து வந்த விசாரணை நடத்தினர். பலத்த காயம் அடைந்த இருவரும் அதிரை அருகே உள்ள தொக்காளிக்காடு கிராமத்தை சேர்ந்தவர் என கூறப்படுகிறது.