நெசவுத்தெரு சங்கத்தில் விநியோகிக்கும் நோன்பு கஞ்சியை ஆர்வமுடன் வாங்கிச்செல்லும் பொதுமக்கள் !

அதிரை நெசவுத்தெருவில் அமைந்துள்ள மஆதினுல் ஹஸனாத்தில் இஸ்லாமிய சங்கத்தில் வழக்கம்போல் இந்த வருடமும் ரமலான் மாதம் முழுவதும் நோன்பு கஞ்சி விநியோகம் செய்யப்பட்டு வருகின்றன.

நாள் ஒன்றுக்கு 25 கிலோ அரிசியில் தயாரிக்கப்படும் நோன்பு கஞ்சியை இப்பகுதியை சுற்றியுள்ள மேலத்தெரு, வெற்றிலைக்காரத்தெரு, புதுமனைத்தெரு ஆகியவற்றின் ஒரு பகுதியினர் உட்பட நெசவுத்தெரு பகுதியில் வசிக்கும் பொதுமக்கள், சிறுவர் சிறுமிகள் ஆகியோர் ஆர்வமாக வந்து வாங்கிச் செல்கின்றனர்.

இதற்காக பள்ளியின் நிர்வாகம் சார்பாக குழுவினர் நியமித்து தினமும் அஸர் தொழுகைக்குப்பின் நோன்பு கஞ்சி விநியோகம் செய்யப்பட்டு வருகிறது. மேலும் பெண்களுக்காக தினமும் காலையில் மார்க்க பயானும், இரவில் தராவிஹ் தொழுகையும் இச்சங்கத்தில் தொடர்ந்து நடைபெற்று வருகிறது.