அதிரையில் தி.மு.க.நடத்திய திண்டுக்கல் ஐ.லியோனியின் மாபெரும் பட்டிமன்ற விழா.!

இன்று [27/09/2013] வெள்ளிக்கிழமை மாலை 6.00 மணியளவில்  பேரரிஞர் அண்ணா அவர்களின் 105வது பிறந்த நாள் விழா பட்டிமன்ற நிகழ்ச்சி அதிரை பேரூந்து நிலைய வளாகத்தில் நடந்தது.

இந்நிகழ்ச்சிக்கு அதிரை பேரூராட்சித் தலைவர் S.H.அஸ்லம்  தலைமை தாங்கினார்.அதிரை நகர தி.மு.கழக செயலாளர் திரு இராம.குணசேகரன் வரவேற்புரை நிகழ்த்தினார்.திரு.S.S. ராஜ்குமார்  அவர்கள் முன்னிலை வகித்தார்.

சிறப்பு விருந்தினராக முன்னாள் மத்திய அமைச்சரும் மாவட்ட தி.மு. கழகத் தலைவருமான திரு.S.S.பழனிமாணிக்கம் அவர்கள் கலந்து கொண்டு சிறப்புரையாற்றினார்.

சிறப்பு அழைப்பாளராக பட்டி மன்ற நடுவர் திண்டுக்கல் ஐ.லியோனி கலந்து கொண்டு  இவ்விழாவை சிறப்பிக்கும் வண்ணம்  தலைவர் கலைஞரின் புகழுக்கு காரணம் அரசியலா.?  இலக்கியமா.? என்ற  தலைப்பில் பட்டிமன்றம் நடத்தினார்.

இவ்விழாவில் ஆயிரத்துக்கும் மேற்ப்பட்ட தி.மு.கழக உறுப்பினர்கள்,மற்றும் பெண்கள்,பொதுமக்கள் கலந்து கொண்டனர்.போலீசார் கண்காணிப்பு பணியில் ஈடுபட்டனர்.