அதிரை பூராவும் ஒரே நாய்த் தொல்லை.. என்னமாச்சும் பண்ணுங்கப்பா.. மக்கள் புலம்பல் !!

அதிரையில் எங்கு பார்த்தாலும் ஒரே நாய்த் தொல்லையாக இருப்பதாகவும், அதிகாலை நேரங்களில் நடமாடப் பயமாக இருப்பதாக பாதிக்கப்பட்ட மக்கள் கருதுகின்றனர். குறிப்பாக பள்ளி செல்லும் குழந்தைகள் மிகவும் பாதிப்புக்குள்ளாகின்றனர்.

நாய்களை பிடித்து கொல்வது என்பதை இப்போது தடை செய்து விட்டதால் யாருமே நாய்களைப் பிடித்துச் செல்வதில்லை. இதன் காரணமாக நாய்கள் பெருகி விட்டன. தெருவுக்கு பத்துக்கும் மேற்பட்ட நாய்கள் சுற்றிக் கொண்டிருப்பதால் மக்கள் பயத்துடனேயே நடமாட வேண்டிய நிலைக்குத் தள்ளப்பட்டுள்ளனர்.

தெருவோரம் சுற்றித்திரியும் நோய் பிடித்த நாய்களால் பொதுமக்கள் மட்டுமல்லாமல் ஆடு, மாடு போன்ற ஜீவன்ங்களும் அதன் கடியால் பாதிப்புக்கு உள்ளாகின்றன. இதுபோன்ற நாய்களை கட்டுக்குள் கொண்டுவந்து கருத்தடை செய்தால் நாய்களின் கடிக்கும் தன்மை குறைந்து விடும் என்பது பெரும்பாலான சமூக ஆர்வலகர்களின் கருத்தாக இருக்கிறது.

பள்ளி செல்லும் குழந்தைகளையும், மருத்துவம் எடுத்துக்கொண்டுள்ள வயோதிகளையும் குறிவைத்து தாக்கின்ற நாய்களின் கொட்டத்தை அடக்க பேரூர் நிர்வாகம் தகுந்த நடவடிக்கை எடுக்க வேண்டும் என்பதே பெரும்பாலன மக்களின் கோரிக்கையாக இருக்கிறது.