பட்டுக்கோட்டையில் தமுமுக நடத்திய மாபெரும் கண்டன ஆர்ப்பாட்டம் !

உத்திரப்பிரதேசத்தில் வாழும் மக்களுக்கு உரிய பாதுகாப்பு வழங்கிடக் கோரி மத்திய, மாநில அரசுகளை வலியுறுத்தி தமிழ்நாடு முஸ்லிம் முன்னேற்றக் கழகத்தின் சார்பில் தமிழகம் முழுவதும் ஆர்பாட்டம் நடத்த தமுமுக தீர்மானித்துள்ளதை அடுத்து தஞ்சை தெற்கு மாவட்டம் சார்பில் இன்று மாலை 5 மணியளவில் பட்டுக்கோட்டை தமைமை தபால் நிலையம் அருகில் மாபெரும் கண்டன ஆர்பாட்டம் நடைபெற்றது.

இந்த கண்டன ஆர்ப்பாட்டத்திற்கு தஞ்சை மாவட்ட [ தெற்கு ] தலைவர் S. அப்துல் ஜப்பார் அவர்கள் தலைமை வகிக்க, கண்டன உரையை தலைமை கழகப் பேச்சாளர் சமீம் அவர்கள் நிகழ்த்த, தஞ்சை மாவட்ட செயலாளர் S. அஹமது ஹாஜா அவர்கள் நன்றியுரை நிகழ்த்தினார்.

உ.பி.யில் வாழும் முஸ்லிம்கள் மற்றும் இதர சமூகத்தினருக்கு உரிய பாதுகாப்பு வழங்கவும், வன்முறைச் சம்பவங்களில் உயிரிழந்தவர்களுக்கும், பாதிக்கப் பட்டவர்களுக்கும் உரிய இழப்பீடு வழங்கி வன்முறையாளர்களை ஒடுக்கி அனைத்து மக்களுக்குமான பாதுகாப்பை உறுதி செய்ய தேவையான நடவடிக்கைகளை எடுக்க மத்திய மற்றும் உ.பி. மாநில அரசுகளை வலியுறுத்தி ஆர்பாட்டம் நடைபெற்றன.

இந்த ஆர்பாட்டத்தில் ஏராளமானோர் கலந்துகொண்டனர். போலீசார் பாதுகாப்பு பணிகளில் ஈடுபட்டிருந்தனர்.