செக்கடி மேட்டிலிருந்து மாவட்ட ஆட்சியர் அலுவலகத்திற்கு அனுப்ப இருக்கும் வெள்ள நிவாரணப் பொருட்கள் !

வெள்ளத்தால் கடுமையாக பாதிக்கப்பட்ட மக்களின் துயரில் பங்கு கொள்ளும் விதமாக இந்தியன் ரெட் கிராஸ் சொசைட்டி அதிரை கிளை சார்பில் அதிரை மற்றும் சுற்றுவட்டார பகுதி கிராமங்களின் தன்னார்வலர்களிடமிருந்து வெள்ள நிவாரணப் பொருட்கள் திரட்டப்பட்டு வருகின்றன. அதிரையின் வர்த்தகர்களும், ஊர் பிரமுகர்களும் ஆர்வத்துடன் வெள்ள நிவாரண பொருட்களை வழங்க முன்வந்துள்ளனர்.

திரட்டப்படும் பிஸ்கட், தண்ணீர் பாட்டல், போர்வை, பால் பவுடர் உள்ளிட்ட வெள்ள நிவாரண பொருட்கள், அதிரை செக்கடி மேடு பகுதியில் உள்ள இந்தியன் ரெட் கிராஸ் சொசைட்டி அலுவலகத்தில் வைக்கப்பட்டு, அங்கிருந்து வாகனம் மூலம் மாவட்ட ஆட்சியர் அலுவலகத்திற்கு அனுப்பி வைக்க ஏற்பாடு நடந்து வருகிறது. இந்த பணிகளை இந்தியன் ரெட் கிராஸ் சொசைட்டி அதிரை சேர்மன் மரைக்கா இத்ரீஸ் அஹமது மற்றும் குழுவினர்கள் முன்னின்று செய்து வருகின்றனர்.

வெள்ள நிவாரணப் பொருட்கள் வழங்க இருக்கும் தன்னார்வலர்கள் மரைக்கா இத்ரீஸ் அஹமது அவர்களை 0091 9944499366 என்ற எண்ணில் தொடர்பு கொண்டு வழங்க கேட்டுக்கொள்ளப்படுகிறது.