அதிரை ஈசிஆர் சாலையில் ஏற்பட இருந்த பெரும் விபத்து தவிர்க்கப்பட்டது !

இன்று [ 08-07-2013 ] காலை 11 மணியளவில் அதிரை ஈசிஆர் சாலையில் ஏற்பட இருந்த பெரும் விபத்து தவிர்க்கப்பட்டது.

சேது பெருவழிச்சாலையில் லைலாத்தி துணிக்கடை அருகில் உள்ள மின்கம்பத்திலிருந்து சாலையையின் குறுக்கே செல்லும் பிரதான மின்கம்பி எதிர்பாராத விதமாக வாகனத்தில் சென்றவர் மீது அறுந்து விழுந்தது.

நல்லவேளை மின்கம்பியில் மின் இணைப்பு இல்லாத காரணத்தால் உயிரிழப்பு தவிர்க்கப்பட்டது. இதைப்பார்த்த அப்பகுதி மக்கள் பெரும் அதிர்ச்சியடைந்து அதிரை மின்சார வாரியத்திற்கு தகவல் கொடுத்தனர். அதன் பிறகு வந்த மின்சார வாரிய ஊழியர்கள் அறுந்து தொங்கிய மின்கம்பியை சரிசெய்தனர்.

இதனால் இப்பகுதி முழுவதும் சில நிமிடங்கள் பரபரப்பாக காணப்பட்டதுடன் மின் இணைப்பும் துண்டிக்கப்பட்டிருந்தது. மேலும் இப்பகுதியில் நிகழ இருந்து பெரும் விபத்து துரித நடவடிக்கையால் தவிர்க்கப்பட்டது.