அதிரை வங்கியில் அதிக கட்டணம் வசூலிப்பதாக புகார் !

அவசர தேவைக்காகவும் நெருக்கடியான நேரத்திலும் கடனுதவிக்காக பெரும்பாலானோர் நாடிச்செல்லும் இடம் வங்கிகளே. வங்கிகள் வழங்கும் கடனுதவிகளுக்கு குறிப்பிட்ட சதவீத வட்டியை நிர்ணயம் செய்து கடனாளியிடம் வசூலித்து விடுகிறது. இஸ்லாமிய மார்க்கத்தில் வட்டி வாங்குவதும் / கொடுப்பதும் விரோத செயல் எனக்கூறி அவற்றிலிருந்து விலகி இருங்கள் எனக்கூறுகிறது. இருந்தபோதிலும் இவற்றை கவனத்தில் கொள்ளாத பலர் நகை கடன் பெறுவதற்காக வங்கிகளுக்கு படையெடுத்து வருவது வாடிக்கையாக நடந்து வருகின்றன.

வங்கிகள் பல்வேறு பிரிவுகளின் கீழ் வாடிக்கையாளர்களுக்கு கடன்களை வழங்கி வருகின்றன. இதற்காக ஒவ்வொரு வங்கியும் அடமானம் வைக்கப்படும் தங்க நகைகளை மதிப்பிடு செய்து அதன் தரத்தை அறிய ஊழியர் ஒருவரை நியமனம் செய்துருக்கும். இவர்களுக்கு ஊதியமாக வாடிக்கையாளர்களிடமிருந்து பெறப்படும் குறிப்பிட்ட சதவீதத்தை வங்கிகள் வழங்குகின்றன.

இவ்வாறு பெறப்படும் தொகை நிர்ணயித்த தொகையை வீட கூடுதலாக வசூலிப்பதாக கூறி நமதூர் A.J நகரை சேர்ந்த சமூக ஆர்வலர் முஹம்மது சுல்தான் அவர்கள், பொதுமக்களின் கையொப்பமுடன் வங்கியின் தலைமையகத்துக்கு புகார் அனுப்பியுள்ளார். வங்கிகளில் ஏற்படும் சேவை குறைபாடுகள் குறித்து அவ்வவ்போது வங்கிகளின் தலைமையகத்துக்கும், மண்டல பொறுப்பாளர்களுக்கும் இவர் புகார் தெரிவித்து வருவது குறிப்பிடத்தக்கது.

வங்கி ஊழியர்கள் வேலை நிறுத்தத்தில் ஈடுபட்டிருப்பதால் புகார் குறித்து அறிந்துகொள்ள வங்கியை தொடர்பு கொள்ளும் நமது முயற்சி பலனளிக்கவில்லை.